Item want de voirs(creven) scult van thien rinsgulden(en)/ eens ende van eene(n) mudde corens erfpachts voirs(creven)/ spruyten(de) compt uuyt saken van drie rijders lijfpen(sien)/ d(aer)aff de voirs(creven) gehuyssche(n) voirmaels gelufte gedaen/ hebben den voirs(creven) arnde de selve lijftochte jairlijcx/ te betalen ende oic uuyt saken vanden v(er)loepe van/ xxxiii rijd(er)s d(aer)aff verloepen ende ombetaelt uuytstaen(de)/ d(aer) voe(r) de voirs(creven) arnt hem nae des(er) stadt recht/ voirmaels heeft doen leyden tott(en) selv(en) gehuyssche(n)/ goeden Soe hebbe(n) de selve gehuyssche(n) geco(n)senteert/ en(de) gewillecoirt den selven arnde in alsoe v(er)re zij/ gebrekcelijc wae(re)n int voldoen van des voirs(creven) steet/ oft in e(n)nich van dien dat de selve arnt in dien/ gevalle hem sal moegen behulpen metten voirs(creven)/ beleyde alsoe wel voe(r) tvoldoen vand(er) voirs(creven) gelufte(n)/ en(de) recognitie(n) om tot voldoeni(n)gen van dien te comen/ alsoe hij soude moegen doen voe(r) de voirs(creven) pri(n)cipale/ lijfpen(sie) en(de) gelufte van van xxxiii rijders d(aer) voe(r)/ de selve arnt gelijc voe(r) geleydt is cor(am) eisd(em)