Item om deswille dat de voirs(creven) arnt in meyni(n)gen/ is de voirs(creven) lijfpen(sie) ende [de] acht(er)stelle(n) van dien noch/ elswair te vervolgen op ande(r) p(er)soenen oft goede die/ hij meyndt oft naemaels bevi(n)den mochte dat d(aer)/ inne gehouden souden moegen zijn soe hebben/ geloeft ind(ivisim) de voirs(creven) gehuysschen den voirs(creven) arnde/ soe wa(n)neer hij tselve vervolgh alsoe doen sal wille(n)/ dat zij atlijt den halven cost van dien v(er)volge/ sullen hulpen v(er)leggen van tijde te tijde d(aer) ende/ soe des behoeven sal ende den voirs(creven) arnde alle/ behulp d(aer)toe doen hen moegelijc zijnde Behalven/ soe wes de selve arndt alsoe op ande(r) p(er)soenen/ oft goed(en) met recht sal co(n)nen gewynnen dat/ dat den voirs(creven) gehuysschen tafslage comen sal aen/ tgene d(aer)inne zij ten selven arnde weert gehoud(en)/ zijn cor(am) eisdem