Item jan de groote sone ph(ilip)s barbele zijn huysvr(ouw) en(de) katlijn/ van ghele moeder der voirs(creven) barbele in p(rese)ncia hebben genome(n)/ en(de) bekint genome(n) te hebben(e) van pete(re)n vranck als procur(eur)/ ad(ri)aens van assche de moele(n) geheeten de redinghe moelen/ metten boeg(ar)t beempt en(de) coelhove d(air)bij gelegen ende den/ toebehoirte(n) Te houden te hebben en(de) te gebruycken van s(in)[t]/ andriesmisse lestleden den t(er)mijn van twee jae(re)n en(de) seven/ maend(en) te weten(e) de voirs(creven) yerste seven maende om en(de) voe(r)/ xxi mudd(en) vi halste(r) en(de) tderdendeel van eene(n) mol(evat) core(n)s/ de twee deele rogge en(de) tderdendeel tarwen pag(abilis) cu(m)/ va(n)no mate van loeven(en) en(de) dande()r twee jae(re)n elcx jairs/ om en(de) voe(r) xxix mudd(en) core(n)s pag(abilis) en(de) mate als voe(r) te/ betalen(e) alle vie(re)ndeel jairs davena(n)t d(air)af en(de) bynne(n) loeven(en)/ d(air) den selve(n) ad(ri)ane gelieve(n) sal te leve(re)n quol(ibe)t ass(ecutu)[m] It(em) de/ voirs(creven) pachte(n)ne(re)n sullen sculdich zijn bove(n) den voirs(creven) core(n)pacht/ jairlijcx te betalen(e) telke(n) t(er)mijne als voe(r) op elck mudde core(n)s/ tzij rogge oft tarwe een pont goets yerlants was oft voir elck/ pont thien plecke(n) brabants It(em) sullen noch sculdich zijn/ te betalen(e) bove(n) des voirs(creven) es aen tcloest(er) vanden augustinen/ van loeven(en) alle jae(re) zijnen t(er)mijn lanck cheijnsgul(den) te xi st(uvers)/ / tstuck Item noch sullen de voirs(creven) pechtene(re)n gehouden zijn de/ voirs(creven) moelen te houden(e) van kammen spillen ende allen ande(re)n/ rueren(de) wercke ende dat alsoe goet laten alst hen gelevert sal/ werdden tsijnder aencompst ende bij alsoe zij dat arger laten/ dat zullen zij oprichten en(de) latent zij bet(er) dat salt men hen/ vergueden altijt ter taxacien vanden molesleg(er)s ende smeden/ ende sulle(n) oic gehouden zijn voir elken duym molesteens die/hij zij afgemalen sullen hebben ten ynde van hue(re)n t(er)mijne/ te betalen(e) drie rinsg(ulden) te vijf scelling(en) grot(en) brabants/ tstuck Item des sullen de voirs(creven) pechtene(re)n gehouden tot hue(re)n/ gebruycke dmoelenhuys metten peertstalle dair neven en(de)/ den hoysulde(r) boven de poirte met een(en) beempde en(de) cuelhove/ en(de) de vruchten vanden boomen dair op stainde zoe dat zij oic/ de willeghen d(air)af eens bynne(n) de voirs(creven) drie jae(re)n sal moegen/ truncken mits den welken hij zij de selve beempde en(de) cuelhove/ bevrijt te laten de leygrecht te ruyme(n) en(de) te dijcken tot zijne(n)/ laste wel en(de) lofelijck tonderhouden(e) Item oft gebuerde dat/ de voirs(creven) moelen lang(er) stille stonde dan drie daigen teynden/ een om com stoel oft ander groet werck dair aen te maeken(e)/ dat sal den pachtene(re)n afgeslagen wordden van zijne(n) coren(en) nae/ advena(n)t vanden tijde van zijnre(n) pechti(n)g(en) It(em) de voirs(creven) pechte/ ners hebben voirts gelooft den selven ad(ri)ane thien r(ins) gul(den) te/ xx stuv(er)s tstuck ende xiiii st(uvers) te betalen(e) ts(in)t jansmisse/ naistcomen(de) voe(r) de sletinghe vand(en) steene(n) en(de) de iiii st(uvers)/ vanden wijn Ende ter meerder sekerheit van des(er) tonderpande/ gestelt huys ende hof metten toebehoirten gelegen inde dorp/ strate neven de borse tusschen de goede h(er) jans vanden stee(n)weghe/ ter eende(r) en(de) roelofs tybe ter ande(r) ende oick de p(or)ceelen van/ haefl(ijcke) goeden h(ier)nae bescr(even) te wesen(de) bynnen den voirs(creven) huyse/ Te weten(e) ierst inde coeken(en) i scrijnhouten scapree i weeke/ zijde i cleyn hert rondeelken v metalen potten i metalen/ hantvat ii zwertte ketels ii witte ketels vier ee(re)n pa(n)nen/ / i ee(re)n lavoir i ee(re)n becken viii metalen kandelers i metalen/ vierpe(n)neken i wat(er)becken ii ijse(re)n braetpa(n)nen i ijse(re)n/ lepel i ijse(re)n steertpa(n)ne v tynnen plateelen viii ty(n)nen/ co(m)mekens vier dobbelie(re)n iii ty(n)nen teyloe(re)n ii ty(n)nen soutvaten/ iii ty(n)nen quartpotten i ty(n)nen waelpot twee ty(n)nen scincpotte(n)/ ii scrijnhouten vousijdele Opde came(r) boven de coeken(en)/ i scrijnhouten vousijdele i scrijnhoute setel i herdde vierca(n)te/ tafle i scrijnhoute tresoir met eene(n) slote i scrijnhoute kiste/ met eenen slote i scrijnhouten wint(er)coetse met eender voeyen/ voe(r) vi sitte cussen(en) vijf oircussen(en) ii vr(ouwen) falie twee vr(ouwen)/ tabb(ar)ts den eenen moreyt ende den ande(re)n sangwin gevoedert/ beyde met grauwen ruggen i vr(ouwen) roeyen coers gevoedert/ i bedde met hoetpoelue i roye sargie vi ty(n)nen quart/ potten met hoegen voeten ii ty(n)nen quartpotten ii ty(n)nen/ waelpotten i ty(n)nen pynte iiii ty(n)nen plateelen op de/ came(r) boven den vloer i schrijnhouten wint(er)coetse i bedde/ metten hoetpoelue i witte sargie i scrij(n)houten bedstat/ met eenen hoetpoelue en(de) eender roeder sargien i cleyn/ weeke coetsken met eene(n) beddeken i scrij(n)houten scrijn/ Inde redinghe moelen inde coeken(en) i scrijnhouten scapree/ i scrijnhouten rondeel v metalen potten drie witte ketels/ sonder heyse i ee(re)n pa(n)ne ii ijse(re)n stertpa(n)nen twee metalen/ vierpe(n)nekens i lavoir i ty(n)nen geltstoop v ty(n)nen quart/ potten v ty(n)nen plateelen iiii ty(n)nen co(m)mekens drie dobbelie(re)n/ twee metalen candelers Opde came(r) bove(n) de coeken(en) i/ scrijnhoute coetse i bedde metten hoetpoelue i roye sargie/ i weeken setele i scrij(n)houte kiste vi sitte cussen(en) tappisserie/ mette(n) pellicaen(en) getheekent ii oircussen(en) i zwertten ma(n)stabb(ar)t/ gevoedert met witten wollen(en) laken(en) i vr(rouwen) moreyten tabb(ar)t/ met fyne(re) i roeden vr(ouwen) coers ii moele(n)p(er)de Ende voirts/ gesekert en(de) toegeseet elc van hen de selve p(or)ceelen in deel/ / noch int geheel niet te depostue(re)n noch te v(er)mi(n)de(re)n in gheend(er)/ wijs cor(am) hermeys baets maii vi

It(em) de voirs(creven) jan de g(r)[o]te sijn huysvr(ouwe) en(de) kat(lij)[ne] va(n) gheele in p(rese)ntia hebbe(n) genome(n) tegen ad(ri)ane/ van assche de voirs(creven) moelen mette(n) toebe(hoirten) voirs(creven) Te houde(n) te hebbe(n) en(de) te gebruycke(n) va(n) s(in)t jans(mis)s[e] lestled(en)/ eene(n) t(er)mijn va(n) drie jae(re)n v(er)volgen(de) dierste jair om xxxvii mudde(n) de twee deele(n) rogge en(de)/ tderdel t(ar)we pag(abilis) uts(upra) en(de) dande(r) twee jae(re)n elx jairs om xxxix gelijcke(n) mudden core(n)s/ en(de) voirt op alle de (con)ditie(n) en(de) vorw(er)den en(de) v(er)ond(er)pa(n)di(n)gen in des(er) voirs(creven) pecht(inge) beg(r)[e]pen/ en(de) geloeft en(de) gesekert opde(n) selve(n) eedt de haeff(lijcke) goede voirs(creven) niet te depostue(re)n/ Behalve(n) alleen(e) dat in dese pechti(n)ge niet beg(r)[e]pen en es d gelufte va(n)d(en) x r(ins)g(ulden) en(de) xiiii st(uvers) va(n)d(en)/ sleti(n)gen vande(n) steene(n) en(de) iiii st(uvers) van wijne cor(am) borch zedele(re) febr(uarii) xviii a(nn)[o] xcix stilo brab(antie)