Condt zij allen lieden dat jan van olmen zone wijlen/ pet(er)s ende anthoenis van godsnove(n) zone gheerts/ beide woenende ind(er) stadt van dyest hebben bekint/ sculdich te zijne o(n)gezundert ende [o(n)v(er)sceyd(en) en(de)] elc een voir al/ ende mits desen beki(n)nen sculdich te zijne pauwelse/ vand(er) heyden ende g(er)truyden liekens zijnd(er) huysvr(ouwe)/ woenende ind(er) stadt van dyest ende hue(re)n erven en(de)/ nacomeli(n)gen drie gouden bourgoinsche sint andriesgulden(en)/ voir datu(m) des briefs gemu(n)t en(de) geslagen oft voe(r)/ elken andr(ies)guld(en) te betalene met ande(re)n goeden/ brabantsche(n) gevalueerden gelde nae advena(n)t erffeliker/ rinten Welke rinten altijt valle(n) zullen opte(n) xx[te(n)] dach/ der maent va(n) april ende te betalen(e) bi(n)nen der/ zelv(er) stadt van diest ten huyse der selv(er) gehuyssche(n)/ / ende hue(re)n erven ende nac(omelingen) los ende vry va(n) alle(n)/ lasten beede(n) scatti(n)gen dieme(n) nu t(er) tijt setten mochte/ oft in toec(omende) tijden opde selve drie goud(en) bourg(oinsche) s(in)t andr(ies)/ guld(en) voirs(creven) ende telken t(er)mijne als v(er)volghde schout/ Renu(n)te(re)nde in desen de voirs(creven) gelov(er)s alle(n) p(ri)vilegien en(de)/ vrijheiden der eerwerdig(er) univ(er)siteyt va(n) loeven(en) ende allen/ ande(re)n p(ri)vilegien ende vrijheyden va(n) poirterien ma(n)deme(n)ten/ van gratien die zij hebben oft namaels v(er)crijge(n) mochten/ hoedanich die zijn mochten ende alle(n) behulpe t(er) (con)trarien/ vand(er) betali(n)g(en) vande(n) selve(n) drie goud(en) bourg(oinsche) s(in)t andr(ies)/ guld(en) voirs(creven) Gelovende voirts deselve sculdeneers t(er)/ manissen der voirs(creven) gehuysschen oft hue(re)r erven ende/ nac(omelingen) goede souffissan(telic) loffelike erfpanden te setten(e) ond(er)/ tquartier va(n) loeven(en) oft inden lande van brabant dair/ hue(r) goede gelege(n) zijn tot hue(re)n coste ende laste wert/ zijnde boven allen co(m)mer ende last dair uutgaen(de)/ zesse goud(en) bourg(oinsche) s(in)t andr(ies) guld(en) erffelik(er) rinten/ alsoe dat den selven gehuysschen ende hue(re)n erven/ ende nac(omelingen) genoech zal moegen wesen tot ewigen/ dagen Met (con)ditien ende vorweerden dat de voirs(creven)/ beki(n)ners ende elc van hen alst hen gelieven zal/ sullen moegen quijten ende afleggen de voirs(creven) drie/ goud(en) andr(ies) guld(en) teenen male met vijftich goud(en)/ bourgoinsche s(in)t andriesguld(en) voir datu(m) des briefs/ gemu(n)t ende geslagen cost voir elken andriesguld(en)/ voirs(creven) te betalene met ande(re)n goeden brabantschen/ gevalueerden gelde nae advenant ende met vollen/ chijse ende anders niet Ende hieraff heeft geloeft/ de voirs(creven) jan van olmen den voirs(creven) anth(onise) van/ godsnoven zijnen behouwden zone costeloes ende/ scadeloes te houden en(de) tontheffen(e) cor(am) h(er)meys/ borch maii xii