Want jouffr(ouwe) m(ar)griete voelkens weduwe raes wijlen van/ baussele die nae des(er) stadt recht voir hue(r) wettich/ gebreck uuyt crachte van scepen(en) brieven va(n) loeven(en)/ come(n) ende geleydt is tot alle(n) den goeden beyde have/ ende erve gheerts wijlen hoelma(n)s zoe wair die/ / gelegen zijn huer met brieven van des(er) stadt/ gescreven aenden drossete va(n) keerb(er)gen oft zijne(n) stadhoude(r)/ alle de selve goede behoirlijck heeft doen leve(re)n ende ja(n)ne/ hoelma(n)s dach van rechte alhier te compare(re)n inde banck/ voe(r) meye(r) ende scepen(en) van loeven(en) oft hij hem d(air)tegen/ hadde(n) wille(n) oppone(re)n doen bescheyden Aldair hij niet/ gecomp(ar)eert en es noch nyema(n)t van zijnen wegen/ ende de voirs(creven) geleidde comp(ar)e(re)nde trecht voirt versocht/ heeft soe verre dat de scepen(en) van loeven(en) t(er) maniss(en)/ smeyers nae dat hen behoirlijck heeft gebleken bij/ rapporte gielis eveloege des(er) stadt geswoirne bode/ tvoirs(creven) exploit behoirlijck geschiet te zijne gewijst/ hebben met vo(n)nisse Wair de wed(er)p(ar)tie vand(en) voirs(creven)/ geleydd(en) niet en comp(ar)eert voe(r) den opstaen(en) smeyers/ ende der scepen(en) datme(n) de selve geleidde va(n)d(en) voirs(creven)/ goede(n) houde(n) soude inde macht va(n) hue(re)n voirs(creven) beleide/ scepen(en) brieve(n) en(de) leveri(n)ghe(n) alsoe v(er)re alst noch voir/ scepen(en) comen is in scampno maii xiii