SAL7391, Akte: R°110.1 (182 van 705)
Akte R°110.1
Act
Datum: 1497-10-03
Transcriptie
2021-03-06 door Jos JonckheerNae dien willem van leefdale als procur(eur) vanden/
executeurs vande(n) testame(n)te willems p(ate)r n(oste)r opte(n) derden/
dach augusti lestleden dach nam om tantw(er)den(e) op/
alsulken aensprake als ghijsbrecht van holsbeke als/
p(ro)cur(eur) jans mett(er) huyve(n) momboirs vand(er) kynde(re)n/
thielens gedaen hadde ende d(air)nae die goede bij/
specifatien ov(er)gegeve(n) heeft sept(embris) ix d(air)nae d(air) op/
hij woude p(ro)cede(re)n hier nae bescreve(n) Te weten(e) op/
twee beempde(n) soe die gelegen zijn inde loeveneren/
beempde den eene(n) d(air)af houden(de) een boend(er) luttel/
min oft meer gelegen inden middelt vande(n) loevene(re)n/
broecke tussche(n) de goede des godshuys van p(er)cke t(er) eend(er)/
lod(ewijc) vand(er) borch t(er) ande(re) en(de) denijs laukens als melgiers/
ter derder ende dand(er) stuck houden(de) omtrint x vie(re)ndeele(n)/
paulo tussche(n) de goede laureys crabbe te beyden zijden/
Ende d(air) uuyt(er)lijc de selve willem als procur(eur) noch/
jan drabbe niet come(n) en zijn ende de voirs(creven) ghijsbr(echt)/
trecht ernstelijc v(er)socht heeft hebben de scepen(en) van/
loeven(e) t(er) manissen smeyers mits huer(er) cont(umatien) en(de) non/
comp(ar)itien gewijst met vo(n)nisse wair de selve n(iet)/
en comp(ar)eerden voe(r) den opstaen(e) smeyers ende der/
scepen(en) datme(n) den selven geleyden houden soude/
inde macht van sijne(n) beleyde scepen(en) br(ieven) en(de) leve/
ringen alsoe v(er)re alst noch vor scepen(en) comen es/
in scampno octobr(is) iii[a]
Nagekeken door: Walter Winnelinckx
Moderator: Walter Winnelinckx
Laatste update:: 2017-05-16 door Xavier Delacourt