Vander aenspraken die jan stockincx ende arndt van/ meerbeke nu lestwerff gedaen hebben tot lijsbetthe(n)/ van breetzijp wed(uw)[e] jans wijlen huene ald(air) zij hue(r)/ op seyde(n) ende v(er)maten te thoene(n) op dat zijt ontkynde/ soe met leven(de) wairh(eit) soe met scepen(en) reg(ist)ren van/ tieldonck soe met ande(re)n depositien voirmaels/ tegen he(n) gesciet hoe dat lijsbeth ov(er)gegeve(n)/ hadde ende geco(n)senteert dat zij gaen soude met/ hue(re)n brued(er) ende nemen af janne de beenhouwe(re) al(ia)s/ stockincx ende arnde van meerbeke voirs(creven) aen willem(me)/ yden ende janne roelants op dat zij conste en(de) dat/ dat geschiet was maii a(n)no x xciii geaucto(r)izeert/ met twee scepen(en) van thieldonck en(de) oec met joh(ann)ese/ de vleeschouwe(re) nu hue(re)n cleerck dat dat oec bij/ hem in voirgaen(de) int(er)rogatorie(n) was geexhibeert/ ende gebleken met auctentijke(n) reg(ist)ren en(de) oec met/ leven(de) wairheyt ende oick dat zij geseet hadde/ dat zij met hue(re)n brued(er) oft vrinde(n) te loeven(e) gaen/ soude en(de) dat zij afneme(n) soude op dat zij const den/ twist die zij hadden d(air)om zij dingden aengaen(de)/ willem(me) yden ende dat zij dat alsoe geloefde soe/ voe(r) soe nae voirt gedroeghe(n) zijs he(n) wed(er) te des(er)/ instan(cien) tot getuyge(n) hoe de weduwe geloeft hadde/ te loeven(e) te gaen met hue(re)n brued(er) ende neme(n) de/ lijftocht aff opdat zij conste d(air) zij voe(r) stonden/ voe(r) hue(re)n man dat voirt voirmaels al tgedinghe/ tussche(n) p(ar)tien was om deser lossingen wille inde/ banck te tieldonck en(de) de scepen(en) ald(air) bevond(en) dat scep(enen)/ brieve(n) van loeven(e) aenghinck dat d selve scepen(en)/ van tieldonck die sake re(n)voyeerde(n) dair die behoirde/ sond(er) diffinitive vo(n)niss(en) d(air)aff te wille(n) geven voirts/ dat de selve lijsbeth nae huers mans doot was blive(n)/ sitten(de) in have ende erve nae den selve(n) hue(re)n man/ gebleven dat oick de wed(uw)[e] opden dach van heden/ mechtich genoech was om de laste(n) te dragen vand(en)/ borchtocht voirs(creven) ende die te betalen hopen(de) wair/ wair zij dese pointe(n) gethoene(n) conste(n) den rechte
//
genoech sijnde dat de weduwe gehouden soude zijn/ hen de selve lasten af te nemen ende d(air)af te lossen/ hen des gedragen(de) D(air)tegen de selve weduwe/ antw(er)den(de) hoepte dat dese aenleggers hen met beyd(en)/ pointe(n) voirs(creven) te des(er) instan(cien) niet behulpen en souden/ mair deen van beyden afslaen ende hen te funde(re)n alleen(lijc)/ op deen van dien te weten(e) op daenveerden vander/ haven oft gode geliefte ende genoech gegoedt [te] zijne/ huer des gedragen(de) totten rechte D(air)tegen daenlegg(er)s/ r(e)plice(re)nde deden seggen de (contra)rie gemerct dat beyde/ die pointe(n) sloten ende dienden op een conclusie die zij/ op hue(r) maicten te weten(e) om te comen tot huer(er) lossi(n)g(en)/ d(er) beyde die pointen ende oic elc besundert al en conste(n)/ zij mair deen gethoene(n) hen diende tot dien en(de) hoopte(n)/ consten zij die affirmatijflijc gethoene(n) soe sij hoopten ja al dat zij d(air)tegen t(er) (contra)rien huer dienen(de) soude moege(n)/ bijleggen te thoene(n) hue(r) gheen scade en soude(n) conne(n)/ gedoen tegen der aenlegge(re)n affirmative(n) thoen in/ dien met meer woirden hinc inde Es gewijst bij/ scepen(en) van loeven(e) t(er) manissen smeyers nae dat/ daenleggers h(ier)inne tot hue(re)n thoene gewesen zijnde/ huers v(er)meets genoech volcomen zijn dat de voirs(creven)/ weduwe gehouden sal zijn daenlegge(re)n te lossen/ vande(n) sculden ende borchtocht d(air) questie aff es nae/ dat de wairh(eit) gedragen heeft in scampno cor(am)/ om(n)ibus scab(inis) dempt(o) kersmake(re) octobr(is) xxiiii Et/ habuer(un)t q(ue)relas et sunt adducti ad mo(bili)[a] et i(m)mo(bili)[a]/ rel(i)c(t)e cor(am) vos hubr(echts) octobr(is) xxiiii