Item nae dien meest(er) pet(er) zelle ende symon/ tector(is) als executeurs vand(en) testa(men)[te] ende ut(er)sten/ wille willems wijlen pierart ende die totter/ executien vanden selven zijne(n) ut(er)sten wille behoirl(ijc)/ bij mijne(n) hee(re) den recteur alsoe zij seyden geco(m)/ mitteert zijn geweest janne toeback bij co(n)sente/ ende weten(e) henricx bouwens becke(r) behoirlijc/ en(de) nae recht voe(r) scepen(en) van loeven(e) als op/ heden hebben ov(er)gegeven inden name als voe(r) eenen/ scepen(en) brieff spreken(de) van vii crone(n) erff(elijc) op mach(iele)/ vanden berghe ende ande(re) zijne(n) medeborghen/ om tprincipael metten v(er)loepe coste en(de) co(m)me(r) nae/ recht te moegen v(er)halen ind(er) maten de scepen(en) br(ieven)/ d(air) van wesen(de) dat uutwijsen Soe heeft de voirs(creven)/ henr(ick) bouwens in r(e)compens(ien) vand(en) voirs(creven) scult/ en(de) quiti(n)gen der voirs(creven) pri(n)cipaeld(er) hootpe(n)ni(n)gen/ der voirs(creven) vii croene(n) erff(elijc) geloeft den voirs(creven)
//
executeurs ende elken van hen tot huer(er) ma/ nissen aff te nemen(e) alsulken ii r(ins)g(ulden) erff(elijc)/ als wille(m) wijlen pierarts sculd(ich) mocht wesen/ met sijne(n) medeborggen aen ja(n)ne boxho(r)en mette(n)/ verloepe in dien insgelijcx een(n) r(ins)g(ulden) erff(elijc)/ aen mychiele scribaen ende eene(n) rinsg(ulden) erff(elijc)/ aende wed(uw)[e] pet(er)s wijlen beyarts oic mette(n) v(er)lope/ ende al nae inhouden(e) den voirs(creven) scepen(en) br(ieven)/ d(air) van wesen(de) ende wes de hootpe(n)ni(n)gen va(n)d(en)/ voirs(creven) vii crone(n) erffelijc meer souden moegen lopen/ dan de voirs(creven) vier rinsgulden(en) metten v(er)loepen(en)/ pachten dat sal de selve henr(ick) den executeurs/ oic t(er) stont moten opleggen ende betalen ende/ d(air) toe vand(en) v(er)loepe der selver vii croenen xl/ rinsgulden(en) eens te weten(e) bynnen vier ja(r)en/ naistcomen(de) alle ja(r)e thien rinsgulden(en) d(air)aff/ den yersten t(er)mijn sijn ende v(er)schijne(n) sal s(in)[t] jans/ messe baptisten naistcomen(de) ende alsoe van/ ja(r)e te ja(r)e thien rinsguld(en) d(air)aff tot dat de/ xl gulden(en) voirs(creven) betailt sullen wesen cor(am) vos/ rosme(re) julii xiiii