Want de p(ro)cur(eur)s vand(er) tafele(n) der vier heyligeeste(n)/ van s(in)[te] machiels sinte qui(n)tens s(in)[te] g(er)trud(en) ende/ ts(in)[t] jacops te loeven(e) geleydt zijnde nae des(er)/ stadt recht voir heur wettich gebreck uuyt crachte/ van scepen(en) br(ieven) van loven(e) tot allen den goeden/ beyde have ende erve jans vanden putte soe/ wair die gelegen zijn hen met br(ieven) van des(er)/ stadt gescreven aenden meye(re) van hulde(n)berghe/ oft zijne(n) stadhoude(re) alle de voirs(creven) goede behoirl(ijc)/ hebben doen leve(re)n ende den selven janne dach/ van rechte te comp(ar)e(re)n alh(ier) inde banck voe(r) meye(re)/ en(de) scepen(en) van loeven(e) doen besceyden oft hij hem/ d(air) tegen hadde willen oppone(re)n Ald(air) hij op heden/ als ten daige van rechte d(air)toe dienen(de) niet/ gecomp(ar)eert en is noch niema(n)t van zijne(n) wegen/ ende he(re)n giel(is) van cortbeke als p(ro)cur(eur) vand(en)/ voirs(creven) vier heyligeesten comp(ar)e(re)nde en(de) trecht voirts/ versueken(de) soe v(er)re dat de scepen(en) van loeven(e) t(er)/ manissen smeyers nae dat hen behoirlijc gebleken/ heeft bij rappoirte jans driedoens des(er) stad bode/ tvoirs(creven) exploit behoirlijc gesciet te zijne gewesen/ hebben met vo(n)nisse wair de wed(er)p(ar)tie vanden/ voirs(creven) geleyd(en) niet en comp(ar)eert voe(r) den opstaen(e)/ smeyers en(de) der scepen(en) datmen de selve geleydd(en)/ va(n)d(en) voirs(creven) goed(en) houden soude inde macht van hue(re)n/ beleyde scepen(en) brieven ende leveri(n)gen alsoe verre/ alst noch voir scep(enen) comen is in scampno maii viii[a]