Nae dien joes van ov(er)beke meye(r) van bierbeke come(n)/ is voe(r) janne oliviers subsituyt van graven borg(er)meest(er)/ en(de) henr(icke) vand(en) borch giel(ise) de vos ende janne rosme(re)/ scepen(en) te kynnen geven(de) hoe hem afgestorven was/ zijn w(er)dynne ende dat alsoe de kynderkens die hij van/ huer behouden hadde wa(r)en moed(er)loese weesen die/ behoefden van mombo(r)en v(er)sien te zijne om van he(n)/ ende hue(re)n goeden besorcht te wesen(e) ende alsoe hadde/ hij om d(air) toe te comen(e) d(air) toe geordineert henr(icke) crabbe/ zijnd(er) moeyen sone ende pete(re)n van lantwijck brued(er) van/ wijlen zijnd(er) werdy(n)nen voirs(creven) Bidden(de) den selven/ he(re)n inden name vand(er) stadt om h(ier)inne hue(r) (con)sent/ te dragen ende willen geven Te dien ynde dat zijn/ kynderkens van mo(m)bo(r)en niet en bleven ombesorcht/ want hij gheen naerde(r) [hen] bestaende noch bat dienen(de)/ dair toe en wiste ende want de selve(n) wethoude(re)n/ genoech gevoelen(de) de selve bede in huer selven redel(ic)/ wesen(de) Soe hebben zij inde selve bede willichlijc ghe/ consenteert ende de selve mo(m)bo(r)en hem v(er)leent tot/ zijnd(er) ernstig(er) bed(e) voirs(creven) Act(um) uts(upra) cor(am) d(i)c(t)is joh(ann)i/ oliviers s(u)bstituto burg(imagis)[tri] et scab(inis) p(re)d(ictis) julii xxiiii