Vander questien en(de) geschillen uuytstaen(de) tusschen/ willem(me) van hove hoeymake(r) t(er) eende(re) ende ja(n)ne/ van raveschote barbier t(er) ande(re) pri(n)cipaellijc aeng(aende)/ der pypen vand(er) heymelijch(eit) die de selve van/ raveschote den selven willem(me) doen soude ende/ laten gebruycken der selv(er) uut(er) vouten van zijnd(er)/ heymelich(eit) die hij heeft ten gebruycke van/ zijne(n) huyse geh(eeten) den roelant inde dorpstrate/ acht(er) comen(de) aen des voirs(creven) willems erve voirts/ vanden v(er)colu(m)pnen vand(en) vinste(re)n die jan heeft/ acht(er) inden selve(n) roelant besund(er)t die boven/ staen oft met vasten hoirden van wijen/ wel v(er)maict en(de) vermaict te houden dat d(air)/ uuyt den selven willem(me) oft den zijne(n) oft hue(re)n/ goeden gheen ongerieff en geschiede ten derden/ derden male vanden costen van rechte die jan/ willem(me) eysschen(de) es ende des allen dien ae(n)cleeft/ behalven den t(er)mi(n)acien vand(er) stadt tussche(n) hen/ onlancx gegeven vand(en) nede(re)n van wille(m)s huyse/ ende t(er) and(er) zijd(en) vand(en) ond(er)houden(e) vand(en) looten(en)/ goten in hue(r) macht hebben hen de selve p(ar)tien/ v(er)bonden in meeste(re)n barth(olomeeus) kyp enden henricu(m)
//
hanckart secretar(issen) der stadt van loeven(e) in sulken/ vuegen dat de segg(er)s hen naird(er) informe(re)n sulle(n)/ vand(er) selv(er) questien ende informatien hebben(de) hue(r)/ uutsprake d(air)aff doen bynnen xiiii nachten naistc(omende)/ Promitt(entes) rat(um) hinc inde cor(am) vos rosme(re) julii/ xiiii