Want jan driedoens als p(ro)cur(eur) joha(n)nen vand(er) paelt geleyt/ zijnde nae des(er) stad recht voir sijn wettich gebreck uuyt/ crachte van scepen(en) brieven van loeven(e) tot allen den/ goeden beide have ende erve henr(icx) wijlen vand(er) horst van/ haeght soe wair die gelegen sijn heeft ons te kynnen gegeven/ hem met brieve(n) van des(er) stadt gescreven aend(en) meye(r)/ van haeght oft zijne(n) stadthoude(r) alle de selve goede behoirl(ijc)/ heeft doen leve(re)n en(de) katlijne(n) vand(er) horst zijnd(er) docht(er) en(de)/ janne van haecht hue(re)n man ende oic janne van kessele/ geheeten de pijpe(re) dach van rechte te comp(ar)e(re)n alh(ier) inde/ banck voe(r) meye(r) ende scepen(en) van loeven(e) doen besceyden/ oft zij hen d(air)tegen hadde willen oppone(re)n Ald(air) zij op/ heden als ten daige van rechte d(air)toe dienen(de) niet/ gecomp(ar)eert en zijn noch niema(n)t van hue(re)n wegen/ den voirs(creven) geleydd(en) comp(ar)e(re)nde en(de) trecht voirts v(er)sueken(de)/ soe v(er)re dat de scepen(en) van loeven(e) t(er) maniss(en) smeyers/ nae dat hen behoirlijc gebleken heeft bij rappoirte/ jans driedoens des(er) stadt bode tvoirs(creven) exploit behoirl(ijc)/ gesciet te zijne gewesen hebben voir een vo(n)nisse/ wair de wed(er)p(ar)tie vanden voirs(creven) geleydd(en) niet en/ comp(ar)eert voe(r) den opstaen(e) smeyers en(de) der scepen(en)/ datmen den selve(n) geleidde(n) houden soude inde macht/ van zijne(n) beleide scepen(en) brieve(n) ende leveri(n)gen alsoe/ v(er)re alst noch voir ons comen is in scampno m(ar)cii/ xx[a]