Item t(er)stont nae des(er) es comen de voirs(creven) poirte(r)/ ende heeft de selve scouth(eit) en(de) scepen(en) ae(n)gesproken/ seggen(de) hoe dat zij een seke(re) hootvairt hadden gehaelt/ te graven van seke(re)n materie(n) tussche(n) he(m) en(de) henr(icke)/ de witte inde banck van asten bedingt van (½)/ mudde sporisaets ende ande(re)n costen van rechte/ d(air)af de poirte(r) soe hij bileyde den scouth(eit) en(de)/ scepen(en) in tijts en(de) in uren opgeseet hadde dat/ zij de selve sake ten hoode niet dragen en/ souden welken niet tegenstaen(de) zij nochta(n)s/ eld(er) getogen wa(r)en hopen(de) sustine(re)nde alsoe dat/ zij hem zijn coste(n) in dien r(e)co(m)pense(re)n souden die/ hij oft zijn borge d(air)voe(r) soude(n) moegen betalen/ oft dat hij en(de) zijn borgen en(de) erfbrieven d(air)aff
//
die hij d(air)voe(r) gesedt hadde ontslagen souden wordde(n)/ dair tegen de voirs(creven) scouth(eit) ende scepen(en) deden segge(n)/ dat de voirs(creven) poirte(r) v(er)doelt wa(r)e he(n) dien ae(n)gaen(de)/ alh(ier) te betijen(e) gemerct dat die sake ald(air) nae/ recht gehandelt wa(r)en ende sculdich ald(air) en(de) voe(r)/ huer hoot opdats behoefde beslicht te wordden hopen(de)/ dat dat nae recht soe behoirde en(de) sculdich was/ te gescieden D(air)op bijden scepen(en) t(er) manissen smeyers/ es gewesen met vo(n)nisse dat de voirs(creven) poirte(r)/ met zijne(n) voirnemen(e) in des(en) alh(ier) verdoelt is in/ scampno maii viii[a]