Vander aenspraken die h(er)man looman ged(aen) heeft inde/ banc voe(r) meye(re) en(de) scepen(en) van loeven(e) tot marien/ wed(uw)[e] sebastiaens wijle(n) stroeprock van seke(re)n injuriens(en)/ woirden die zij hem gegeven heeft seggen(de) in/ gra(m)men moede voe(r) de raidcam(er) doere staen(de) onder/ den ande(re)n totten selve(n) h(er)man(ne) swijght ghij hebt/ ghij hebt uwer sust(er) gesteken en(de) verworght en(de) oft/ zij dat alsoe geseet te hebben(e) ontkynne(n) woude/ soe p(rese)nteerde hij dat te thoenen seggen(de) wair/ hij dat alsoe gethoenen conste dat zij gedue(m)pt/ soude wordden hem d(air) voe(r) t(er) bet(er)niss(en) te doene/ eene(n) wech te roomen te malanen oft ande(re)/ sulk(en) wege alse de scepen(en) dat wijsen souden/ Tegen dwelc de selve antw(or)den(de) ontkynde de/ selve woirde alsoe geseet te hebben(e) hopen(de) dat/ hij dat nu(m)mermeer alsoe en soude co(n)nen bewijsen/ met meer woirden in wed(er)sijden Es gewesen met/ vo(n)nisse nae den thoon d(air) toe h(er)man gewijst is/ en(de) des hij volcomen is dat de selve marie/ gehouden soude zijn den selve(n) h(er)ma(n)ne h(ier) voe(r) t(er)/ bet(er)nissen te doene eene(n) wech te straesborch derw(er)ts/ te porre(n) bynnen xl daigen naistcomende en(de) goede/ wairheyt d(air)af te bringen nae der stadt recht/ oft dairaf sijnen goeden moet te crijghen in/ scampno coram om(n)ibus scabinis dempto b(er)ge/ junii xix