SAL7391, Akte: V°92.1 (157 van 705)
Akte V°92.1
Act
Datum: 1497-09-12
Transcriptie
2021-03-07 door Jos JonckheerTusschen goessen(e) ympens die voe(r) den raide va(n)d(er)/
stadt ontboden hadde joese peysma(n)s om der hue(re)n/
wille van vi r(ins)g(ulden) xvii st(uvers) (½) pl(a)c(ke) die de selve joes/
verseten hadde ende sculdich was vanden hoeckhuyse/
geheete(n) buerken eer hij den voirs(creven) goessen(e) dat over/
lev(er)de d(air)af joes vander hoeve(n) dien tselve huys doen/
toebehoirde bet(aelt) woude sijn van henr(ick) de ma(n)demake(re)/
d(air) nu inne woenen(de) die joes vand(er) hoeve(n) d(air) voe(r)/
gepant hadde welk(en) ma(n)demak(er) de voirs(creven) goesse(n)/
ympens als de gene die he(m) dat verhuert hadde/
d(air) af schuldich was te lossen sustine(re)nde de selve goesse(n)/
dat de voirs(creven) joes peysma(n) die hue(r) sculdich soude/
sijn op te leggen ende hem en(de) den voirs(creven) huerlinck/
d(air)af te lossen d(air) tegen joes peysma(n) niet en ont/
kinde de tach(er)heit mair alligideerde gebreck van/
rep(ar)acie(n) d(air)bij hij scade hadde geleden ende tendeerde/
tot cortsele en(de) reco(m)pense de wed(er)p(ar)tien de (contra)rie/
sustine(re)nde hoepten nae sijn bekin dat hij sculd(ich)/
soude zijn de v(er)seten en(de) bekinde hue(r) te betale(n) hadde/
hij van rep(ar)acie(n) oft and(er)s yet te eyssche(n) dat hij/
dat doen mochte d(air) ende soe dat behoirde Es duyt/
sprake vander stadt dat de selve joes peysma(n) sculd(ich)/
sal sijn te voirs(creven) huere te voldoene ende heeft hij/
e(n)nich gebreck van rep(ar)acie(n) te sueken dat hij dat doe(n)/
mach met rechte in (con)s(ili)[o] op(idi) p(rese)ntib[(us)] crol burg(imagistr)[o] vos/
hubrechts scabinis et aliis de (con)s(ili)[o] augusti xii
Nagekeken door: Walter Winnelinckx
Moderator: Walter Winnelinckx
Laatste update:: 2017-05-16 door Xavier Delacourt