Nae dien op heden comen zijn voe(r) den raide vand(er)/ stadt wouter thielens tegen de gesworen(en) vanden/ beckers ambachte nutertijt wesen(de) v(er)sueken(de) int/ voirs(creven) ambacht te moegen comen want hij dat buyte(n)/ eene wijle tijts gedaen ende geexerceert hadde D(aer)/ tegen de voirs(creven) gesworen(en) excipie(re)nde seyden en(de) gedroege(n)/ hen totten rechte vanden ambachte en(de) hue(re)r rollen/ ald(aer) geexhibeert datt(er) nyema(n)t int ambacht comen/ en mocht hij en hadde tselve ambacht geleert/ en(de) gedaen alh(ier) ond(er) eenen meest(er) oft in ande(r)/ vrij steden bege(re)nde alsoe in hue(re)n rechte(n) gehoude(n)/ te wordden Es geappointeert en(de) uuytgesproken/ bijden selven raide dat zij bleven bij trecht va(n)d(en)/ ambachte hij in dien tande(re)n tijden verleent behalve(n)/ dat de stadt in des(en) beg(er)de en(de) aen he(n) v(er)socht/ dat zij doende g(rac)ie en(de) sonder p(re)judijs and(er)ssins/ vand(en) rechte voirs(creven) den voirs(creven) woute(re)n int/ ambacht souden laten comen gemerct soe zij v(er)stonden/ dat hij des genoech meest(er) was ten ande(re)n dat/ tvoirs(creven) ambacht dambacht gelt wel behoefde/ ende ten derden om dese stadt te multiplice(re)n in/ neri(n)gen en(de) and(er)ssins Op dwelc de voirs(creven) gesworen(en)/ gelet en(de) hen beraden hebben(de) zij t(er) antwerden hebbe(n)/ gegeven dat zij t(er) liefden en(de) beg(er)ten vand(er) stadt/ op dees tijt en(de) sond(er) p(re)judijs als voe(r) d(aer)inne (con)sen/ teerden ende te vreden wae(re)n van g(rac)ien en(de) niet/ van rechte In (con)s(ili)[o] opidi octobr(is) xxiiii