Item willem ende joes gans gebruede(re)n sone(n) meest(er)s/ pet(er)s wijle(n) gans die hij hadde van katlijne(n) wijlen ridd(er)s/ zijnd(er) yerst(er) huysvr(ouwe) katlijne gans wed(uw)[e] henr(ix) wijle(n) de weert/ en(de) de voirs(creven) joes gans en(de) wout(er) druys beyde als mo(m)boe(re)n/ henr(ix) druys sone henricx wijle(n) druys die hij hadde van/ machtelden wijlen gans zijnd(er) huysvr(ouwe) als zij leefde zust(er) der/ voirs(creven) kinde(re)n ende goessen everarts als man ende mo(m)boir/ m(ar)grieten druys zijnd(er) huysvr(ouwe) oic docht(er) des voirs(creven) wijlen/ henricx en(de) zust(er) des voirs(creven) henr(ix) druys in deen zijde ende/ g(er)truydt victoirs wed(uw)[e] desselfs wijle(n) meest(er)s pet(er)s gans/ inden name van huer selven ende oic als moeder van hue(re)n/ vier wettigen kinde(re)n die zij behouden heeft vand(en) selven/ wijle(n) meeste(re)n pete(re)n te weten(e) van claese symoen(e) berbele(n)/ ende g(er)truden gans ten bijsijne en(de) met wille weten(e) ende/ consente van diericke(n) victoirs [oud(er)]vad(er) der voirs(creven) kinde(re)n en(de)/ lod(ewijcke) baets als naiste vrinde der selv(er) vier kinde(re)n vanden/ naebedde desselfs meest(er)s pet(er)s vand(er) moed(er) wegen en(de)/ anth(onis) van wechele(n) ende vrancx kemel [als] naiste [als] vrinde vande/ der selv(er) naekinde(re)n van huers vaders wegen affirme(re)nde/ hincinde dit gesciet te zijne ten meesten orbe(r) vanden/ selve(n) kinde(re)n in dand(ere) in p(rese)ntia Hebben gekint en(de)/ gelijdt dat zij met malcande(re)n ov(er)comen en(de) eenswordden/ zijn aengaende alle(n) alsulke(n) questien differe(n)tien ende/ / gescillen als zij tegen malcande(re)n uutstaen(de) gehadt hebben/ t(er) cause(n) vand(en) erfgoeden gebleven nae de doot en(de) aflivich(eit)/ des voirs(creven) wijle(n) meest(er)s pet(er)s gans d(aer)om zij tege(n) mal/ cande(re)n ov(er)lang in gedinge gestaen hebbe(n) voe(r) den raide/ m(ijns) gened(ichs) he(re)n in brabant d(aer) af zij mits des(er) in wed(er)/ sijd(en) ger(e)nu(n)cieert hebben ende renu(n)cie(re)n der poenten ende/ vorweerd(en) naebescreven die de selve p(ar)tien in wed(er)sijd(en)/ malcande(re)n geloeft hebbe(n) hincinde pro se et eor(um) succ(essoribus)/ tacht(er)volgen(e) ende te voldoene ende ofts behoefde malca(n)de(re)n/ voerde(r) vestich(eit) te doende niet tegestaen(de) e(n)nig(en) testame(n)t(en)/ oft lantrechte die t(er) (contra)rien souden moegen zijn Ierst/ dat den voirs(creven) kinde(re)n gans vand(en) yerste(n) bedde ombeledt/ vand(er) voirs(creven) ii[ter] p(ar)tien volgen sulle(n) alle alsulken erfgoed(en)/ en(de) rinten als de voirs(creven) meest(er) pet(er) gans en(de) ka(tlij)[ne] sridd(er)s/ zijn yerste huysvr(ouw) tsamen besitten(de) wae(re)n van wiens sijden/ van hen beiden hen die ae(n)comen wae(re)n ende oic de ghene/ die zij tsamen staende den huwelijke tusschen hen beiden/ vercregen hebben ende oft bevond(en) wordde dat de selve/ meest(er) pet(er) gans die de voirs(creven) ka(tlij)[ne] sridders sijn yerste/ huysvr(ouwe) ov(er)leefde e(n)nige erfgoede oft erfrinten v(er)cregen/ oft ghecocht voe(r) ende eer de selve meest(er) pet(er) tot/ huwelijke toech mett(er) voirs(creven) g(er)truydt victoirs zijnd(er)/ ii[ter] huysvr(ouwe) dat die insgelijcx den selve(n) kinde(re)n/ gans vanden yerste(n) bedde oic volgen ende toecomen/ souden It(em) t(er) and(er) zijden dat der voirs(creven) g(er)truyd(en)/ der moed(er) vand(er) voirs(creven) nakinde(re)n volgen sal acht(er)volgen(de)/ den lesten testame(n)te desselfs meest(er)s pet(er)s thuys met/ ald(er) toebehoirten soe dat gelegen is in sinte qui(n)tens/ strate d(aer)inne de selve meest(er) pet(er) en(de) zijn leste huysvr(ouw)/ woenechtich wae(re)n met oick allen der haven ende/ vliegen(de) erven die de selve meest(er) pet(er) nae hem acht(er)/ gelaten heeft It(em) dat voirt den vier naekinde(re)n des/ selfs meest(er)s pet(er)s vollgen sullen alle alsulke erfgoed(en)/ ende erfrinten als de selve meest(er) pet(er) ende g(er)truydt/ sijn leste huysvr(ouw) tsamen bynne(n) hue(re)n huwelijke v(er)cregen/ moegen hebben behoud(elijc) der voirs(creven) g(er)trud(en) d(er) moed(er)/ d(aer) inne hue(r) tocht soe dat naeden lantrechte behoirt/ Item dat oic de voirs(creven) vier yerste kinde(re) vand(en) voirbedde/ / den vier nakinde(re)n jairlijcx betale(n) sullen ende mits des(er)/ bekynne(n) sculdich te zijne xvi rinsgulden(en) te xx st(uvers) tstuck/ lijfpen(sien) te weten(e) ten live van elken vanden selve(n) vier/ nakinde(re)n vier gelijke rinsg(ulden) d(aer) af sond(er) vand(en) eene(n) kinde/ op dande(re) te v(er)sterven vallen(de) jairlijcx half s(in)[t] jansmesse/ en(de) half te kersmesse d(aer) af dierste betalinge v(er)schijnen sal/ ts(in)[t] jans(mis)s[e] naistc(omende) In welke lijfrinten de voirs(creven) g(er)truyt/ de moeder vand(en) selven kinde(re)n hebben sal theffen soe/ lange de selve kinde(re) bij huer woenen sullen tot hue(re)n/ laste behoudel(ijc) dat de voirkinde(re) voirs(creven) de selve xvi r(ins)g(ulden)/ lijftochten sullen moegen lossen ende afquijte(n) tot vier male(n)/ mair niet myn dan vier rinsgulden(en) smaels en(de) elken r(ins)g(ulden)/ d(aer)af met acht gelijcke rinsgulden(en) ac cu(m) Met (con)ditien oic/ soe wie vand(en) selve(n) vier voirkinde(re)n vier rinsg(ulden) afleet/ dat hij ende zijn goede van dan voirtane ombelast blive(n)/ sulle(n) vand(en) ande(re)n reste der selv(er) lijfpen(sien) Met cond(iti)[en] oic/ soe wa(n)neer e(n)nich afleggen in desen geschien sal dat de/ pe(n)i(n)gen d(aer) af comen(de) wed(er)om ter selv(er) natue(re)n sekerlijck/ aengeleeght sulle(n) wordden It(em) sullen den voirs(creven) vier/ voirkinde(re)n oic volgen een dozijne cussen(en) verwapent/ uuyt cope die(n) zij d(aer) af gedaen hebbe(n) tegen de voirs(creven)/ wed(uw)[e] om de so(m)me van thien rinsg(ulden) eens d(aer) af zij huer/ vanden selve(n) vier voirkinde(re)n bekint voldaen te zijne/ cor(am) pynnoc bouchout dec(embris) xxiiii