It(em) matheeus van ermbeghem wynne aelbrechts tants/ op sijn hof geheeten blijde(n)berch mett(er) toebehoirten dairop/ peet(er) boschman gedaight heeft voir thien mudden rogs/ ende vier croene(n) erffelijck hem dairop gevallen te weten(e)/ tvoirs(creven) coren sint andriesmesse xcvii ende de vier/ croene(n) inden mey lestleden heeft geloeft den selven/ pete(re)n boschman voe(r) de selve thien mudden rogs en(de)/ vier croene(n) gevallen als voe(r) de so(m)me van negenthien/ rinsgulden(en) te xx st(uvers) tstuc ende xvi stuv(er)s tussche(n) dit/ ende liechtmesse naestcomen(de) te betalen(e) t(am)q(uam) ass(ecutu)[m]/ Vanden welken de voirs(creven) aelbrecht geloeft heeft/ den selven zijne(n) wi(n)ne scadeloes tontheffen(e)/ en(de) hem de visschen opde vivers wesende ende alle/ / ande(r) vruchte(n) vande(n) selve(n) goeden in hande(n) te/ laten(e) soe verre dat hij d(aer)aen de voirs(creven) so(m)me van xix/ rinsgulden(en) xvi stuv(er)s v(er)reyct ende verhaelt sal hebben/ met coste ende co(m)me(r) Des heeft oic geloeft de/ voirs(creven) wi(n)ne den voirs(creven) pete(re)n boschman den waghen/ drie p(er)den drie coeyen een rindeken ende alle zijn/ ande(r) haeffelike goeden die nu op de voirs(creven) goede/ bevonden zijn in state te houden ende niet te/ mi(n)de(re)n tot dat de voirs(creven) peet(er) vand(er) so(m)men voirs(creven)/ v(er)nueght ende betaelt zal zijn t(am)q(uam) ass(ecutu)m cor(am)/ buetsele crol dec(embris) xxvii