SAL7392, Akte: R°180.2 (357 van 688)
Akte R°180.2
Act
Datum: 1499-01-11
Transcriptie
2020-08-07 door Karel EmbrechtsWant willem guedens ende katlijne van ranst/
geleydt zijnde nae des(er) stadt recht voe(r) hue(re)r wettich/
gebrec uuyt crachte van scepen(en) brieven van loeven(e)/
tot allen den goeden beyde have en(de) erve jans scolier/
m(ar)grieten van diependale zijnd(er) huysvr(ouwe) en(de) willems/
scoliers huers soens soe wair die gelegen zijn hen/
met brieven van des(er) stadt gescreven aenden meye(r)/
van he(re)nt oft zijne(n) stadthoude(r) alle de selve goede/
behoirlijc hebben doen leve(re)n ende den voirs(creven) p(er)sonen/
dach van rechte te comp(ar)e(re)n alh(ier) inde banck voir meye(r)/
en(de) scepen(en) van loeven(e) doen besceyden oft zij hen/
dair tegen hadden willen oppone(re)n Ald(aer) zij op heden/
als ten daige van rechte d(aer)toe dienen(de) niet geco(m)p(ar)eert/
en zijn noch niema(n)t van hue(re)n wegen den p(ro)cur(eur)/
vand(en) voirs(creven) geleydde(n) henr(ic) van ravescote (com)p(ar)e(re)nde/
en(de) trecht voirts v(er)sueken(de) soe v(er)re dat de scepen(en)/
van loeven(e) t(er) maniss(en) smeyers nae dat hen behoirlijc/
gebleken heeft bij resc(ri)pte jans bone meyers van/
he(re)nt tvoirs(creven) exploit gesciet te zijne gewesen hebben/
voir een vo(n)nisse wair de wed(er)p(ar)tie vand(en) voirs(creven)/
geleidden niet en comp(ar)eert voe(r) den opstaen(en) smeyers/
ende der scepen(en) datmen den selven geleidden/
vanden voirs(creven) goeden houden soude inde macht van/
hue(re)n beleide scepen(en) brieve(n) en(de) leveri(n)g(en) alsoet alst voir scep(enen) come(n)/
is in sca(m)pno januarii xi
Nagekeken door: kristiaan magnus
Moderator: kristiaan magnus
Laatste update:: 2018-07-16 door The Administrator