Item pet(er) van steyne(n) moele(n) meest(er) reynier cleerhage/ ende jan van waelem van wegen en(de) inden name van/ hue(re)n huysvr(ouwen) t(er) eenre ende everard van wynge hue(r)/ swag(er) t(er) ande(r) zijden in p(rese)ntia hebben gekint ende/ gelijdt dat zij met malcande(re)n bij toedoen(e) van magen/ en(de) vrienden v(er)accordeert en(de) eensworden zijn der pointen/ ende conditien nae bescreven die zij malcande(re)n in wed(er)sijd(en)/ geloeft hebben tacht(er)volgen(e) ende te voldoene Ende yerst/ dat de voirs(creven) everardt de lossinge en(de) afquitinge van alsulken/ vijf mudden corens en(de) drie rinsg(ulden) erffelijc als de selve/ everardt elken vand(en) voirs(creven) drie p(er)soenen sculdich is/ met scepen(en) brieven van loeven(e) vand(er) daet xiiii[c] lxxxix/ febr(uarii) xix sal moegen doen den voirs(creven) meeste(re)n reynie[(re)n]/ cleerhage en(de) janne van waelem tallen tijden alst hem/ gelieven sal met vollen pachte Te weten(e) elc mudde/ corens d(aer) af met xxiiii croenen te xxiiii stuv(er)s tstuck mu(n)ten/ nu t(er)tijt cours hebben(de) acht(er)volgen(de) der publicatien vand(er)/ mu(n)ten lestwerf gedaen te weten(e) den burgun(dischen) guld(en)/ ge(re)kent voir xxviii st(uvers) ende alle ande(r) gevalueerde mu(n)te/ nae advena(n)t van dien ende elken rinsg(ulden) [erffl(ijc)] d(aer)af met/ / achtien rinsgulden(en) te xx stuv(er)s tstuck der selv(er) mu(n)ten/ nu tertijt cours hebben(de) niet tegenstaen(de) dat de selve/ lossinge nae uuytwijs(en) vand(en) voirs(creven) scepen(en) br(ieven) behoe(re)n/ soude gedaen te wordden met swae(re)n ghelde Ende/ alse vand(en) acht(er)stellen die de voirs(creven) everart den selve(n)/ meeste(re)n reynie(re)n en(de) janne van waelem d(aer) af sculdich/ is zundert den date vand(en) voirs(creven) scepen(en) brieven totten/ daige toe van heden sal de voirs(creven) ever(art) d(aer) af gestaen/ betalen(de) d(aer)af den voirs(creven) meeste(re)n reyne(re)n thien mudde(n)/ corens eens tussche(n) dit ende kersmesse naistcomen(de)/ ende den voirs(creven) janne van waelem insgelijcx thien/ mudden corens eens tusschen dit en(de) half vasten naistc(omende)/ Ende want de voirs(creven) pet(er) van steyne(n) moelen den/ voirs(creven) everarde jairl(ijx) sculdich is uuyte(n) hove t(er) elst/ geheeten trogs hof vijf mudden en(de) thien molevate(n)/ corens ende noch drie croenen ende acht stuv(er)s/ erffel(ijc) Soe is bevorw(er)t tusschen den selven pete(re)n/ en(de) everarde dat des voirs(creven) pet(er)s acht(er)stellen hem/ gevallen totten daige van heden vand(en) voirs(creven) vijf/ mudde(n) core(n)s ende drie rinsg(ulden) erffel(ijc) die everardt/ hem sculdich is ende de acht(er)stellen die den voirs(creven)/ everarde insgelijcx gevallen zijn totten daige van heden/ vand(en) voirs(creven) vijf mudden en(de) thien mol(evaten) core(n)s en(de) drie/ croenen ende acht stuv(er)s erff(elijc) op thof des voirs(creven)/ pet(er)s t(er) eende(r) en(de) t(er) ande(r) zijden deen tegen dand(er)/ geco(m)penseert sullen bliven ende quijt zijn al eest dat/ des eens acht(er)stellen van dien meer gedragen/ dan des anders Ende dat desselfs pet(er)s van steyne(n)/ moelen vijf mudden rogs ende drie r(ins)g(ulden) erff(elijc)/ die everardt voirs(creven) hem jairlijkcx sculdich is als/ voe(r) van nu voirtane te nyeute gaen ende/ versmelten sullen tegen vijf mudden rogs/ en(de) drie rinsguld(en) erff(elijc) uten voirs(creven) vijf mudden/ thien mol(evaten) rogs en(de) drie crone(n) en(de) acht stuv(er)s/ erff(elijc) die de selve pet(er) den selven ever(arde) gelijc voe(r)/ sculdich is welke vijf mudden en(de) drie rinsg(ulden)/ erffel(ijc) uute(n) selven vijf mudde(n) en(de) x mol(evaten) en(de) drie/ / crone(n) ende acht stuv(er)s erffel(ijc) insgelijcx d(aer)tegen/ te nyeute gaen ende v(er)smelten sullen Ende dat/ de selve pet(er) van steynemoelen tsurplus van desselfs/ everarts rinten voirs(creven) beloepen(de) tselve surplus thien/ moelevaten corens ende twintich stuv(er)s erffelijc sal moegen/ lossen ende afquiten tallen tijden alst hem gelieft te/ weten(e) dmudde core(n)s [lov(ensch)] erffel(ijc) ge(re)kent voe(r) xxiiii croene(n)/ te xxiiii st(uvers) tstuc mu(n)ten nu tertijt cours hebben(de) en(de)/ dande(r) twintich stuv(er)s erffelijc met xviii rinsgulden(en)/ te xx stuv(er)s tstuck insgelijcx mu(n)ten nu cours hebben(de)/ ende met vollen [pachte] Ende want des voirs(creven) everardts/ rinten van vijf mudden en(de) x mol(evaten) corens en(de) drie/ croenen ende viii st(uvers) erffel(ijc) leenrinten zijn Soe es/ bevorwert soe wa(n)neer de voirs(creven) pet(er) bege(re)n sal van/ dier afquiti(n)gen en(de) quijtsceldingen voirs(creven) he(m) bijd(en) voirs(creven)/ ever(arde) vestich(eit) gedaen te wordden voir stadhoude(r) en(de)/ ma(n)nen van leene d(aer)af men die te leene houden(de)/ is dat alsdan de selve pet(er) d(aer)af alless(ins) dragen/ sal de costen van h(er)gewede ma(n)nen rechten ende/ ande(r) d(aer)aen cleven(de) tot zijne(n) laste alleen(e) ende dat/ everardt in dien gestaen sal hem d(aer)toe hant ende/ mont te leenen cor(am) tymple bouchout januarii penult(im)[a]