Item henr(ic) parijs heeft genomen en(de) bekint genomen/ te hebben(e) tegen pete(re)n bohon dwinhoff desselfs/ pet(er)s gelegen inde p(ro)chie van cortbeke ov(er)dijle groot/ zijnde omtrint xiii boende(re)n luttel myn oft meer/ Te houden te hebbe(n) te wynne(n) en(de) te gebruycken/ van halfmerte lestleden ter hellicht wynn(in)gen/ eenen t(er)mijn van xii jae(re)n lanc due(re)nde deen nae/ dander sonder middel vervolgen(de) ende voirt op alle/ de (con)ditien en(de) vorw(er)den h(ier)nae bescr(even) It(em) es vorw(er)de/ datmen alle de vruchten die opde voirs(creven) goede wasse(n)/ sullen deylen sal opt velt ende de wynne sal sculd(ich)/ zijn altijt dyerste voeder te vueren(e) in zijns meest(er)s schue(r)/ / ende dand(er) voed(er) in zijn schue(r) ende alsoe altijt/ voirts vervolgen(de) totten ynde It(em) es vorweerde/ dat de wy(n)ne de voirs(creven) lande wel en(de) loffelijc/ wynnen sal gelijc regenoeten te weten(e) dwint(er)/ coren op zijn vie(r) getijdige voren de g(er)ste op/ drie ende de have(r) op twee voren sond(er) argelist/ Item de voirs(creven) wynne sal te sijne(n) affscheiden(en)/ laten besaeyt xiii boend(er) lants met wint(er)coren(en)/ te weten(e) vier boende(re)n met t(ar)we(n) en(de) dandere/ met rogge ende oft de voirs(creven) wyn meer t(ar)wen/ saeyde dat hem pet(er) voirs(creven) opleggen en(de) betalen/ sal dat de t(ar)we beter is dan den rogge It(em)/ is vorw(er)de dat de voirs(creven) wynne sal jairlijcx/ leve(re)n lx bussele(n) walms tott(er) rep(ar)atie(n) vanden/ hove en(de) sal de voirs(creven) wyn schuldich zijn tond(er)houden(e)/ alle de wende vand(er) und(er)ster rijckelen ned(er)werts/ It(em) es vorwerde dat de voirs(creven) wyn gheen buyte(n)/ lant houden en sal sond(er) consent van sijne(n) meest(er)/ It(em) es vorw(er)de dat de voirs(creven) wynne en(de) zijn meest(er)/ sceyden moegen te vi jae(re)n van malcande(re)n behalve(n)/ dat de gheene die scheyden sal willen den ande(re)n/ dat sculdich sal zijn te cundigen een half jair/ te voe(re)n It(em) sal pet(er) leenen den voirs(creven) wynne/ twintich rinsg(ulden) die de wyn hem bet(alen) sal bynnen/ den vi jae(re)n naistcomen(de) ende den selven wynne/ noch geven xx rinsgulden(en) en(de) vier mudde(n) core(n)s/ en(de) noch alle(n) tsaetcore(n) inden wynt(er)art eens en(de)/ inden some(re)nart eens nu toecomen(de) en(de) dan niet/ meer op conditie soe v(er)re de voirs(creven) wyn aftrect/ bynnen den vi jae(re)n voirs(creven) soe en saelt al des/ voirs(creven) is mair geleent zijn alsoe wel vand(en)/ coren(en) als vand(en) gelde It(em) sal de voirs(creven) wyn jairl(ijcx)/ geven voe(r) den beemde en(de) weyde den voirs(creven)/ hove toebehoeren(de) acht rinsg(ulden) en(de) sal de voirs(creven)/ wyn de voirs(creven) beemde laten gericht ende gesloten/ gelijc hijse nu vonden heeft It(em) es vorwerde dat/ de voirs(creven) wyn sal gehouden sijn calck steen(en) leem/ / vitselroeyen dachroeden latten en(de) alle ande(r) rep(ar)atie(n)/ totten hove hoeren(de) soe v(er)re dat gheen nyeuwe en/ zij en(de) den wercklied(en) den mo(n)tcost geven en(de) peter/ de dachue(re)n bet(alen) It(em) is vorweerde dat allet/ fruyt dat opt voirs(creven) hoff wassen sal sal de voirs(creven)/ wyn half en(de) half hebben en(de) dand(er) hellicht de/ meest(er) vand(en) hove en(de) de wyn sal zijns meest(er)s/ hellicht thuys vue(re)n te loeven(e) en(de) desgelijcx de/ hellicht van allen zijne(n) coren(en) en(de) dies sal de voirs(creven)/ wyn hebben caf en(de) stroe It(em) es vorw(er)de dat de/ voirs(creven) wyn sal gehouden sijn alle grebben scaveyen/ dat dair gheen scade af en come int lant ende/ straten en(de) wat(er)loepen te houden(e) op zijne(n) cost en(de)/ sond(er) last oft scade van pete(re)n voirs(creven) It(em) es vorw(er)de/ dat de voirs(creven) wyn gheen opgaen(de) houdt afhouden/ en sal dan alleen(e) dat ten hafteele gaet ende/ is d(aer) e(n)nige verdroeghde willige sal de voirs(creven) wyn/ die moegen afhouwen en(de) voir elken willige setten/ twee poeten It(em) sal de voirs(creven) wyn gehouden zijn/ te bringen(e) zijns meest(er)s gewas vand(en) wijne te/ cortbeke en(de) te loeven(e) met allen den afvalle ende/ noch drie carweyen en(de) dies sal de voirs(creven) wyn/ hebben drie ellen lakens weert zijnde elc elle/ x st(uvers) It(em) is conditie en(de) vorw(er)de dat de voirs(creven)/ wyn sal gehouden zijn alle jae(re) twee boende(re)n/ lants te m(er)gelen en(de) des sal de voirs(creven) meest(er) den/ wy(n)ne te hulpen comen tot elken boend(er) xxii st(uvers)/ ende oft den wy(n)ne geliefde meer te m(er)gelen sal/ de voirs(creven) meest(er) altijt gehouden zijn tot elken / boende(r) te bet(alen) xxii st(uvers) It(em) is vorw(er)de dat de/ voirs(creven) wyn sal gehoud(en) zijn alle jae(re) de/ messie uuyt te vueren(e) driewerf tsjaers sond(er)/ argelist It(em) sal de voirs(creven) wynne tsijne(n) afsceyden(en)/ laten xxx ma(n)delen stroos ongheedt int voirs(creven) hoff/ It(em) es vorw(er)de dat de voirs(creven) wynne sal gehoud(en)/ zijn inne te vueren(e) alsulken thiende als peter/ voirs(creven) heeft vand(en) abdt van s(in)[te] machiels tantw(er)pen/ / en(de) allen tcoren vand(er) selver thiend(en) te bringhen(e)/ te loeven(e) op zijne(n) cost behoudelijc dat de wynne/ den mo(n)tcost hebben sal ende sal de voirs(creven) pet(er)/ den wynne eene(n) man doen die de thiende v(er)gade(re)n/ sal en(de) opstoke alsoe dat costumelijc is sonder/ argelist en(de) des sal de voirs(creven) wyn hebben tcaf/ en(de) stroo It(em) sal pet(er) voirs(creven) uuythouden huys en(de)/ hoff dat der vr(ouwe) vand(er) voere(n) plach toe te behoeren(e)/ en(de) oic zijn came(re)n metten solde(r) en(de) dofhuyse/ gelijc dat hij altoes gewoenlijc es geweest uuyt/ te houden(e) It(em) is vorwerde dat de voirs(creven) wynne/ voir uuyt houden sal dloecxken inde boghaert/ en(de) noch (½) dach(mael) dair bij sijne(n) wille d(aer)mede te/ doene sonder argelist Ende alle dese vorw(er)den (et)c(etera)/ H(ier)af es borghe des voirs(creven) wynnen totter so(m)men/ toe alleen(e) van xx rinsgulden(en) eens bynne(n) den/ geheelen t(er)mijne voirs(creven) willem parijs vad(er) des/ selfs henr(ix) als pri(n)cipale sculde(r) den welken/ willem(me) de selve henr(ic) geloeft heeft d(aer)aff/ scadeloes tontheffen(e) cor(am) borch(oven) bouchout febr(uarii)/ xi