Item jan pols sone wille(m)s woenen(de) te leefdale/ in p(rese)ntia heeft genome(n) en(de) bekint genome(n) te hebbe(n)/ tegen den selve(n) willem(me) sijne(n) vader thoff desselfs/ wille(m)s metten landen en(de) beempden d(aer) toe behoe(re)nde/ ende oick alle de land(en) die de selve willem voir/ maels v(er)cregen mach hebben met oic alle(n) den/ pachtlanden die de voirs(creven) willem van div(er)sen/ p(er)soene(n) in pechtingen houden(de) is Te houden ende/ te hebbe(n) te weten(e) tvoirs(creven) hof metten landen/ d(aer)toe behoe(re)nde en(de) oic metten land(en) die willem/ vercregen heeft van halfm(er)te nu lestleden soe la(n)ge/ de voirs(creven) wille(m) leven sal om en(de) voe(r) de co(m)me(re)n/ chijse(n) ende pachten d(aer) uuytgaen(de) die jan jairlijcx/ soe in tijts sculdich sal zijn te bet(alen) alse dat de/ goede noch oic willem d(aer) voe(r) niet bescadicht/ en wordden Ende voirtmeer om ende voe(r) thien/ rinsgulden(en) te xx stuv(er)s tstuc jairlijcx te halff/ m(er)te te betalen(e) den voirs(creven) willem(me) jairlijcx den voirs(creven)/ t(er)mijn due(re)nde quol(ibe)t ass(ecu)[tu(m)] ende de voirs(creven) pacht/ land(en) jairlijcx soe lange de pechting(en) d(aer) af due(re)n/ sullen om ende voe(r) alsulken pechtingen als de voirs(creven)/ willem die genomen heeft de welke de voirs(creven) jan/ oic soe in tijts bet(alen) moet dat willem d(aer) voe(r) niet/ belast noch bescadicht en wordde It(em) es vorwerde/ dat wille(m) de voirs(creven) goede ontlasten sal van allen/ gevallen(en) chijsen ende pachte(n) die d(aer) op gevallen zijn/ tot desen daige toe It(em) vercleerde voirts de voirs(creven)/ willem hoe dat hij den voirs(creven) janne zijne(n) sone/ sculdich was de so(m)me van veertich rinsg(ulden) van alsulke(n)/ / vijf p(er)den ende vier coeyen als jan int hoff/ bracht als hij met willem(me) zijne(n) vad(er) quam/ woenen ende dat hij in betalinge(n) der selver/ so(m)men den voirs(creven) ja(n)ne alsnu v(er)cocht heeft yerst/ drie p(er)den metten toebehoirten soe zij wercken/ metten wagen(en) pluege(n) eeghd(en) en(de) alle(n) toebeh(oerten)/ d(aer) toe behoe(re)nde en(de) noch een coe mits welke(n)/ goede de selve jan bekint heeft vand(er) selv(er)/ so(m)men van xl r(ins)g(ulden) betaelt te zijne It(em) es oick/ vorw(er)de dat jan hebben sal alle tg[r]aen hoy stroo/ crucken crinsen caf dat nu int hof is ende/ dat wille(m) d(aer) voe(r) trecken sal de bladinge van/ zesse dach(mael) met t(ar)wen besaeyt nu toeghste/ naistc(omende) It(em) es oic vorw(er)de dat jan hebben sal/ alle de vercken(en) en(de) dat hij d(aer) voe(r) betalen sal/ van wille(m)s wegen den cloeste(r) opde halfstrate/ te loeven(e) vier rijders eens die wille(m) den selven/ godsh(uyse) sculdich was van verlette(n) rinten It(em) is/ oick vorw(er)de dat jan voir willem(me) v(er)legge(n) sal/ aen die van viler van v(er)loepen(en) pachte negen/ rinsgulden(en) ende drie mudde(n) core(n)s die zijn kinde(re)/ nae zijn doot den selven janne elck van zijne(n)/ gedeelte nae zijn advena(n)t sculdich sulle(n) zijn/ weder te geven opdat wille(m) bynne(n) sijne(n) leven(en)/ den selve(n) janne d(aer) af niet en voldoet It(em) es/ bevorw(er)t dat de voirs(creven) jan pols zijne(n) vade(r)/ zijn leefdage lanck oft soe lange alst den selve(n)/ willem(me) gelieven sal in zijne(n) coste houde(n) sal/ ende hem eten drincken slapen liggen sitten/ redelijc tamelijck admi(ni)stre(re)n ende dat om en(de)/ voe(r) de voirs(creven) thien rinsgulden(en) tsjairs die jan/ hem bet(alen) moet als voe(r) Ende alle dese vorw(er)d(en) (et)c(etera)/ cor(am) borch(oven) bouchout m(ar)tii xviii