It(em) gorijs goedertoys die met scepen(en) brieve(n) van loeven(e)/ heeft xii mudde(n) cor(ens) erflic soe op zeke(r) goede te humblege(m)/ gelege(n) toebehoe(re)nde ja(n)ne(n) vand(er) mee(re)n soe oic opde(n) selve(n)/ ja(n)ne ende sijn borghe(n) nae begrijp zijnd(er) brieve(n) d(aer)aff/ zijnde welke jan soe gorijs verstaen heeft onder de/ wet alhier gestelt soude hebbe(n) tot desselfs gor(ijs) behoeff/ zeke(r) pe(n)ni(n)gen ende een zeker stael van coren(en) om/ d(aer)mede af te legge(n) de hootpe(n)ni(n)gen vande(n) voirs(creven) xii/ mudde(n) corens met volle(n) pachte Es gegaen mette(n)/ scepen(en) van loeven(e) hier nae bescreve(n) aen joh(ann)ese nijs/ dair onder die depositie geschiet soude zijn v(er)sueken(de)/ aen hem zijne(n) pacht ende volle(n) pacht van dien rinten / te hebbene ende hem p(rese)nte(re)nde bereet te wese(n) om dien/ van hem tontfangen opdat hij dien bereet wae(r) dien/ navolgende zijnd(er) scepen(en) brieve(n) alsoe te betale(n) ende/ insgelijx oec de hootpe(n)ni(n)ghe vande(n) selve(n) zijnen/ rinten oft erfpachte oec nae valuere ende in sulke(n)/ pe(n)ni(n)gen als die na begrijp der zelv(er) zijnd(er) brieve(n)/ af te quijte(n) staen opdat die hootpe(n)ni(n)gen alsoe nae/ begrijp der zelv(er) zijnd(er) brieve(n) aldair gestelt wae(re)n/ Ende soe verre de selve hootpe(n)ni(n)gen ind(er) selv(er) weerde(n)/ aldair niet gestelt en wae(re)n beg(er)de de voirs(creven) gorijs/ ten mi(n)sten te hebben(e) en(de) hem betaelt te wordden/ den pacht hem s(in)t andr(ies)messe lestlede(n) d(air)aff v(er)schenen/ D(air)op de voirs(creven) joh(ann)es nijs te kenne(n) gaff hoe dat hij/ hem vand(er) depositie(n) vande(n) pe(n)ni(n)gen des refereerde tott(er)/ selv(er) depositie(n) ende ae(n)gaen(de) den pacht seyt hij dat jan/ dair geset hadde een stael va(n) coren(en) mair en wist van/ gheene(n) ande(re)n coren(en) te spreke(n) mair hadde wel hoe(re)n segge(n)/ ghijsbr(echt) vilt(er)s jans sweer dat hij core(n) hadde om den pacht te leve(re)n/ cor(am) buets(ele) bouch(out) aprilis xxvii