It(em) es dese guedi(n)ge geschiet te des(er) meyni(n)gen en(de) (con)ditien/ want de voirs(creven) m(ar)griete de zust(er) genoech sympel en(de)/ in huer selve(n) o(n)noesel es en(de) va(n) zee(r) cleyne(n) verstande/ ende zij ov(er) huer xlii oft xliii jae(re)n nu oudt es ende/ in meyni(n)gen es huer te kee(re)n bij inductie(n) van e(n)nigen/ tot huwelike(n) state van eene(n) p(er)soene(n) van cleynd(er)/ faculteit dair zij met gheene(n) weege(n) oft onderwijse/ af te sette(n) en heeft geweest Soe zulle(n) de selve gebruede(re)n/ swag(er) ende zuste(re)n onder de macht van des(er) voirs(creven) guedi(n)g(en)/ de voirs(creven) erfrinten ende alle profijte(n) d(air)aff comende/ jairlix houden heffen ende bue(re)n oft doen houde(n) heffen/ ende bue(re)n ende die jairlix huer(re)r zust(er) leefdage lanck/ t(er) nootdorst orboe(r) ende sustentatie(n) d(er) selv(er) zust(er) jairlix/ beke(re)n die d(air)mede versien va(n) alle(n) behoefte(n) zoe verre/ die p(ro)fijte(n) d(air)aff he(n) zulle(n) co(n)nen bestrecke(n) Ende nae de/ doot d(er) selv(er) hue(re)r zuster soude(n) die erflic versterve(n) volge(n)/ ende blive(n) uuyt crachte vand(er) selv(er) guedi(n)gen den selve(n)/ gebruede(re)n en(de) suste(re)n voirs(creven) als den naeste(n) leven(de) der zelv(er)/ m(ar)griete(n) zond(er) yema(n)ts wed(er)seggen ten wae(re) alleene dat/zij de selve m(ar)griete creghe en(de) behiele wettich oir nae/ huer doot te live bliven(de) die des(er) guedi(n)gen niet tege(n)staen(de)/ dan d(air)aff de naeste soude(n) zijn cor(am) eisd(em)