Item arndt van faconval sone gielis van faconval/ woenen(de) te hupain in p(rese)ntia heeft gekint vernueght/ ende betaelt te zijne [van goirde van coeni(n)cxloe sijne(n) sweer] mits alsulken p(er)de alse de selve/ arndt kiesen sal uuyt xi oft xii p(er)den in zijns sweers voirs(creven)/ stal wesen(de) ende anderssins van allen alsulken geluften/ en(de) obligatien als [de selve] goirt van coni(n)cxloe [voirs(creven)] sijn sweer hem/ e(n)nichss(ins) gedaen mach hebben van wat saken oft in/ wat manie(re)n dat zij Ende heeft hem d(air)af allessins/ quijtgeschoud(en) ende geloeft d(air)af quijt vry en(de) ombelast/ te houden tegen eene(n)yegelijken en(de) gerecht warant/ hem d(air) af te zijne te voirde(r) mits dien want hij/ sijns wijfs kintsgedeelte gelijc den ande(re)n kinde(re)n/ van desselfs goirts ende zijns wijfs goeden trecken/ sal cor(am) pynnoc tymple septembr(is) quarta