Nae dien willem van leefdale als p(ro)cur(eur) cornel(is) van b(er)gen/ natuerlijcx poirt(er)s van des(er) stadt inde banc voe(r) meye(r)/ en(de) scepen(en) alh(ier) heeft doen afdoen en(de) lesen eene(n) v(er)sueckbrief/ van des(er) stadt gescr(even) ae(n)d(en) scouth(eit) en(de) wethoude(re)n vand(er) banck/ van berlebussche geheeten den ouden bossche d(aer) mede de/ selve cornelijs hadde doen afscriven alsulken v(er)volgh van/ rechte als henr(ic) mathijssone uuyt saken van ix(½) lichte/ gulden(en) van twee jae(re)n hadde doen doen ald(aer) op desselfs/ cornel(is) goede gesproten en(de) oirspronck nemen(de) uut(er) hueri(n)g(en)/ die cornelis tegen den selven henr(icke) gedaen hadde van/ eene(n) boend(er) lants desselfs henricx Soe zijn beyde p(ar)tien/ voirs(creven) gecomp(ar)eert op eene(n) voirleden(en) dach van rechte/ inde selve banck Ald(aer) de selve henr(ic) dede lesen eene/ obligatie en(de) kynnesse gepasseert en(de) gedaen den selven/ henr(icke) bijden selve(n) cornel(ise) voe(r) de wet van berlebussche/ voirs(creven) vand(er) selv(er) hueri(n)g(en) ende geluften van betali(n)gen/ van dien voirt eene r(a)tificatie der selv(er) wet dair mede/ zij app(ro)bierde de selve hueri(n)ge ende voirt seke(r) rechtvorderi(n)g(en)/ / die naed(er) bancken recht ald(aer) met pandingen en(de) and(er)s/ op seke(r) desselfs cornel(is) goede ald(aer) gedaen hadde/ voir gebreck van bet(alinge) der selv(er) hueri(n)gen ende d(aer)en/ tinden heeft hij geconcludeert dat cornelijs alhier/ geduempt soude wordden int voldoen vand(er) selv(er)/ scult nae de voir acten voirs(creven) oft ten mi(n)sten dat/ de se sake v(er)sonden soude wordden t(er) bancken recht/ ald(aer) dair in rechte soe v(er)re gep(ro)cedeert hadde/ geweest Op dwelc de selve willem als p(ro)cur(eur)/ niet antw(er)den(de) alnoch int pri(n)cipael sustineerde dat/ eer hij antwerd(en) soude de selve henr(ic) gehouden/ soude zijn te conclude(re)n alleen(e) op deen te weten(e)/ op tremvoy oft opde bet(alinge) te hebben(e) dwelc van/ beyden hem best geliefde ten ynde dat hij alsoe/ wete(n) mochte wair op hij soude hebben tantw(er)d(en)/ en(de) d(aer)entinden recht Tegen dwelc de selve henr(ic)/ replice(re)nde met alrehande reden(en) soe v(er)re dat de/ scepen(en) van loeven(e) d(aer)op bijd(en) meye(r) gemaent/ voir een int(er)locutorie wijsden dat henr(ic) hem funde(re)n/ soude moten op deen oft op dande(r) en(de) d(aer)entinden/ recht Op dwelc ten naisten geco(n)tinueerden daige/ van rechte op heden dienen(de) de voirs(creven) henr(ic) ge(com)p(ar)eert/ is inde selve banck en(de) is acht(er)volgen(de) den voirvo(n)nisse/ gebleven op zijne(n) heysch van zijnd(er) scult hem alhier/ aengewijst te wordden(e) afslaende alsoe genoech tvoirs(creven)/ remvoy d(aer) inne v(er)sueken(de) trecht en(de) de scepen(en)/ gemaent te hebben(e) Dair de voirs(creven) cornel(is) noch/ p(ro)cur(eur) van zijne(n) wegen niet tegen geco(m)p(ar)eert en zijn/ noch en hebben willen antw(er)den soe v(er)re dat de/ scepen(en) van loeven(e) voirt inder saken vand(en) meye(r)/ gemaent gewijst hebben den voirs(creven) cornel(ise) ind(er) saken/ vellich te wesen(e) ende dat hij sculdich sal/ zijn den selven henricke zijne(n) heysch/ te voldoene in scampno cor(am) borch(oven) buets(ele)/ bouchout crol octobr(is) quarta