Vander questien gecomen inde banck voe(r) meye(r) ende/ scepen(en) van loeven(e) tusschen vrancken van loeven(e) t(er)/ eende(r) ende loye [vacat] diene(r) en(de) cnape in spaengne/ als van seke(re)n handedich(eiden) die de voirs(creven) loy gedaen/ soude hebben aen den voirs(creven) vranck(en) en(de) oic van/ van seke(re)n injurieus(en) woirden op hem gesproken d(aer)af/ de selve vranck alsoe v(er)re dat den woirden ae(n)ghinck hem v(er)droegh e(n)nige bet(er)nisse te eysschen bliven(de) bij/ dmeeste als vand(er) handedich(eiden) hopen(de) soe v(er)re hij die/ gethoene(n) conste en(de) in gra(m)men moede gesciet te/ zijne dat hem zijn wed(er)p(ar)tie doen soude een bet(er)nisse/ te straesborch oft alsulken bet(er)nisse alse de hee(re)n scepen(en)/ wijs(en) soud(en) D(aer)op de voirs(creven) loy tselve ontkynnen(de)/ seyt datmen dat alsoe niet bevi(n)den en soude en(de)/ dat de voirs(creven) vranck hem omtr(ent) kersmesse voirleden/ grotelik(er) ov(er)vallen hadde mits sneen vloeken en(de) ande(er)ss(ins)/ en(de) dat hij loy hem alsoe verw(er)de met sneen vloeken(de)/ sonder meer mair ontkinde als voe(r) de voirs(creven) handedich(eiden)/ ende nae dien de voirs(creven) vranck met vo(n)nisse der/ scepen(en) t(er) maniss(en) des meyers gewijst is tot zijne(n) thoen(en)/ bijd(er) scepen(en) en(de) hij zijns thoens als vand(er) handedich(eiden)/ genoech volquam nae recht tselve geschiet te zijne/ in felle(n) moede Es gewesen p(ar)tien in wed(er)sijden/ hue(r) saken te vorst gesloten hebben(de) ten ynde als voe(r)/ bij den scepen(en) t(er) maniss(en) smeyers dat de voirs(creven) loye/ den voirs(creven) vrancken sculdich soude zijn te doene/ t(er) bet(er)nissen eene(n) wech te straesborch te porren/ bynnen xl daigen naistcomen(de) en(de) d(aer)af goede wairh(eit)/ te bringen(e) oft zijne(n) goeden moet te hebben(e) in/ scampno febr(uarii) xiiii