Item henrick weers in p(rese)ntia heeft genomen en(de) bekint/ genome(n) te hebben(e) tegen jonche(re)n janne vand(en) steenwege/ ter hellicht wynni(n)gen zijn wynnen(de) land(en) omtrint/ kersbeke gelegen den hove toebehoiren(de) eenen t(er)mijn van/ negen jae(re)n lang due(re)nde deen nae dand(er) sond(er) middel/ vervolgen(de) innegaen(de) dierste jair te halfm(er)te a(n)no/ xcix It(em) es vorweerde dat henr(ic) voirs(creven) jonch(e)r jans/ hellicht yerstwerf van elcken stucke sal in sijn schue(r)/ vue(re)n ende d(aer)nae tsijne te weten(e) als jonch(e)r jans hell(icht)/ in es van eene(n) stucke dat henric dan sijn hellicht/ oic invue(re)n sal vand(en) selve(n) stucke eer hij op een and(er) varen/ sal It(em) henr(ic) voirs(creven) sal hebbe(n) alle(n) den affal comen(de) vand(er)/ hellicht wy(n)ningen It(em) henric voirs(creven) moet m(ijn) jonche(re)n zijn/ thiende inhalen mair des sal m(ijn) jonch(e)r d(aer) eene(n) man/ bij stellen die de schoove(n) opten wagen steken sal en(de)/ henr(ic) voirs(creven) moet die tassen gelijc der hellicht wi(n)ni(n)g(en)/ en(de) d(aer) voir sal henr(ic) hebben den afval gelijc als vand(er)/ hellicht wi(n)ningen behalven tstroo dat sal m(ijn) jonch(e)r/ moegen voede(re)n met sijne(n) beesten mair dat mest/ sal m(ijn) jonch(e)r henr(icke) inden mesthoff doen leve(re)n ende/ inden gevalle oft m(ijn) jonch(e)r vand(er) thiend(en) meer hadde/ dan sij(n)sselfs gedeelte sal die wyn [inne] doen als voe(r)/ Item henric voirs(creven) sal hebben alle jae(re) (½) boend(er) som(er) lants/ o(m)me crucken d(aer)inne te sayen tot sijnen p(ro)fijte alleene/ niet vand(en) quaetsten oft vand(en) besten d(aer) m(ijn) jonch(e)r/ hem dat bewijsen sal Item het is noch vorweerde/ dat m(ijn) jonch(e)r en(de) de wyn copen sullen alle jae(re) vier/ hondert walms coppma(n)s goet en(de) dat selen zij halff/ en(de) half betalen mair de wyn sal dien sculd(ich) zijn/ te halen te thienen oft d(aer)omtrint ende wairt sake/ datmen meer walme(re) behoefde die sal m(ijn) jonch(e)r/ alleen(e) moten bet(alen) mair de wyn sal die sculd(ich) zijn/ te halen als voe(r) It(em) het es noch (con)ditie wa(n)neer datmen/ d(aer) dect oft plect dat m(ijn) jonch(e)r sal bet(alen) de dachue(re)n/ en(de) de wyn den montcost geven It(em) henr(ic) sal die land(en) wynne(n) en(de) werven nae lants costume gelijc r(e)genoeten/ en(de) dat mest vue(re)n alsoe wale inde quaetste als inde/ beste mair ten leste(n) jae(r) van zijne(n) getonsten sal hij/ sculdich zijn die lande(n) te wynnen op vier getidige voren/ / oft m(ijn) jonch(e)r belieft It(em) het is vorwerde dat de/ wyn sal moten coopen om xvi gulden(en) stroo en(de) dat/ sal m(ijn) jonch(e)r half betalen mair de wyn salt moten/ halen op dese zijde vand(er) gheeten oft d(aer)omtrint sonder/ m(ijn) jonch(e)r last ende inden gevalle oft die wyn die/ vuesteri(n)ge vand(en) stroo niet en behoefde soe sal hij/ o(m)me de so(m)me voe(r) genoempt moegen mest coopen ende/ inden gevalle oftmen egheen mest en conde te coop gec(ri)gen/ soe sal hem m(ijn) jonch(e)r moten laten duven mest dmudde/ om iiii st(uvers) mair hij moet m(ijn) jonch(e)r seggen twee mae(n)t/ voe(r) sinte denijsmesse It(em) wa(n)neer dat tvoirs(creven) grain tijtv(er)dich/ is te binden soe sal de wyn dat cundigen en(de) men sal/ hem dan doen eene(n) bant slag(er) en(de) die dat coren opten/ wagen steken sal It(em) henrick moet vue(re)n alle(n) m(ijn) jonche(re)n/ grain comen(de) vand(er) hellicht wynni(n)gen te diest zichen(en) oft/ thienen ende alsdan moet m(ijn) jonch(e)r den voirman den/ cost geven en(de) dongelt betalen(e) It(em) henrick sal m(ijn) jonche(re)n/ winte(re)n vier coeyen ende des sal hij hebben die trucken/ dair die beesten geweyt sullen hebben zijn die sal henr(ic)/ doen maeyen bynnen acht daigen nae datmen hem dat/ te kynnen heeft gegeven doen hoeyen mayen sond(er) m(ijn)/ jonche(re)n last ende inden gevalle oft m(ijn) jonch(e)r gheen/ coeyen selver en weydde soe soude henr(ic) nochtans sculd(ich)/ zijn twee stucken beesten te winte(re)n Desgelijcx sal/ henr(ic) sculdich zijn twee oft drie vercken(en) laten te loepen(e)/ bijde sijne en(de) die vorde(re)n gelijc den sijne(n) It(em) oft m(ijn) jonch(e)r/ geliefde vier vercken(en) te houden(e) die soude henr(ic) moeten/ heerden ende m(ijn) jonch(e)r soude koer hebben oft hij die/ selv(er) vueden woude dan oft hij den wyn den afval/ geven soude en(de) dat hijse vuedde It(em) voe(r) eyn voere/ te colen sal henr(ic) sculdich zijn m(ijn) jonch(e)r drie daig(en)/ te kerweyen behalven dat hij tsavonts sal wed(er)o(m)me/ thuys zijn Item noch sal de wyn sculdich zijn vijf oft/ vi voirder hoeys te halen(e) omtr(int) kersbeke voir m(ijn) jonche(re)n/ p(er)de It(em) moet de wyn m(ijn) jonche(re)n halen vier oft vijf/ houder mutsarts It(em) de wyn sal moten laten lopen thien/ oft xii mastscape onder de sijne It(em) des gelijcx xxv cap(uynen)/ Item de wyn es sculdich te leve(re)n oreten voir m(ijn) jonche(re)n/ beesten It(em) dit es den arnt die henr(ic) bevi(n)t met coren(en)/ besaeyt Inden yersten tgroot stucke d(aer) den wech van diest/ / doer gheet It(em) noch iii(½) sillen over die beke gelegen/ neven tselve stucke It(em) opt selve velt (½) boend(er) (½) zille/ Item opt crinsvelt (½) boend(er) neven tcruys gelegen/ Item op tselve velt noch (½) boend(er) neven de beke/ gelegen It(em) opt selve velt i(½) zille aend(en) wijng(ar)t geleg(en)/ en(de) is viertschoof en(de) wat d(aer) blijft boven den viertschoof/ dat deylen zij half en(de) half It(em) noch ii boend(er) op schoofvelt/ gelegen It(em) in die stortte es oic een zille dertschoofs/ Item de wyn moet vier boend(er) braken o(m)me doen/ en(de) iii boend(er) gemest en(de) die stortte al o(m)megedaen It(em)/ henr(ic) en mach egheen and(er) lande aen nemen te pachte/ oft te halven vate ten wae(re) met (con)sente van m(ijn) jonch(e)r/ It(em) de wyn mach wynnen iii(½) zillen lants mair/ niet mesten uuyt m(ijn) jonche(re)n mesthove It(em) inden/ gevalle oft m(ijn) jonch(e)r op zijn hof niet en woende/ soe sal sculdich zijn de wyn den man die m(ijn) jonche(re)n/ hellicht verwairt den mo(n)tcoste geven It(em) ende alle/ de beempde acht(er) thof gelegen ende zijn thiende vrij/ mett(er) weyen vand(en) boeg(ar)de jairlijcx om en(de) voe(r)/ hondert gulden(en) d(aer) af dat yerste derdendeel vanden/ hondert gulden(en) thien stuv(er)s voe(r) den gulden(en) vallen/ sal s(in)[t] jansmesse naistcomen(de) dand(er) derde(n) deelt sinte/ m(er)tens(mis)s[e] d(aer) naistvolgen(de) ende dander derdel te/ pape(n) vastellavont d(aer) naist volgen(de) Mair is cond(itie)/ dat m(ijn) jonch(e)r den t(er)mijn die vallen sal s(in)[t] jans(mis)s[e]/ naistc(omende) borgen sal totten ynde van des(er) getonsten/ voe(r) geruert ten wae(re) dat sake oft die wyn die/ scape(n) hielde van hem selven die hij nu hult van/ sijne(n) meest(er) soe souden alsdan ten yersten schaertijde/ dat hij die scape(n) dede sche(re)n gevallen en(de) v(er)schenen/ zijn te weten(e) xxxiii gulden(en) drie stuv(er)s viii grote/ Item het is vorw(er)de dat die wyn sal moegen houwe(n)/ en(de) stru(n)cken aende lande en(de) beempde alsoe v(er)re/ alst hafteel gegaen heeft ende tijtverdich is It(em) de/ wyn sal oic moegen hauwen dels voe(r) opten dijck/ die tusschen de beeck loopt en(de) de wyers It(em) de wyn/ mach afhouwen v(er)droeghde boemen en(de) voe(r) eene(n) twee/ setten en(de) die wel verdoirnen It(em) de wyn sal sculdich/ zijn te setten(e) alle jae(re) xxv willige poten en(de) die wel/ / verdoernen It(em) het is conditie dat de wyn die land(en)/ en(de) beempde bevreet en(de) gethuynt laten sal alsoe hij/ die aenveert It(em) noch sal die wyn sculdich zijn de/ ryolen bodemen aen lande oft beemden en(de) beken/ jairlijcx sculdich zijn te vagen(e) en(de) tonderhouden(e) alsoe/ hij die ae(n)vert It(em) de wyn sal jairlijcx hebben alle/ jae(re) te saeyen een halst(er) lijsaets mair des sal m(ijn) jonch(e)r/ den saet betalen It(em) de wyn sal jairlijcx hebben drie/ ellen lakens oft xii stuv(er)s voe(r) elc elle It(em) de wyn/ sal half doeft hebben mair zij selen dat doen lesen/ tot hue(re)r beyder costen It(em) de wyn sal de rapelinghe/ alleen hebben It(em) het is noch conditie dat de wynne/ niet varen en mach om loon tot dat dwint(er) core(n) besayet/ es ten wae(re) dat die land(en) soe redelijc lagen dat m(ijn)/ jonch(e)r gheen reden(en) en hadde hem te beclagen(e) dat/ de wyn he(m) in die lande niet en versuempde It(em)/ de wyn heeft van m(ijn) jonche(re)n twee wagen(en) met/ vier p(er)den twee eeghden twee ploegen twee buken/ van stortkerren een strijcploegh een welle elck met/ sijnd(er) toebehoirten alsoe dat hij dair vinden sal ende/ costen hem tsamen lx rinsgulden(en) twintich stuv(er)s voe(r)/ den gulden(en) welke lx rinsg(ulden) hij sal betalen met/ manie(re)n en(de) daigen hier nae bescreven Dat is te/ weten(e) dat de wyn toeghste naestcomen(de) sal vue(re)n/ in m(ijn) jonch(e)r(en) schue(r) (½) boend(er) terwen en(de) (½) boend(er) ghersten van/ zijnd(er) hellicht ende dat salmen dorsschen tot des wynnen/ laste ende de wyn salt inde merct vue(re)n tot sijnen/ laste en(de) dat v(er)copen met bijsijne van m(ijn) jonche(re)n wegen/ o(m)me die pe(n)ni(n)g(en) tontfangen ende die pe(n)ni(n)gen sullen/ den wynne cortten aen die lx rinsgulden(en) voe(r) genoempt/ en(de) dit sal de wynne doen van oeghste te oeghste tott(er)/ tijt toe dat die lx r(ins)g(ulden) betaelt zijn It(em) my jonch(e)r sal/ den wynne leenen negen mudde(n) core(n)s en(de) die sal hij bet(alen)/ alle jae(re) drie mudden te weten(e) bynnen drie jae(re)n/ It(em) noch sal hem m(ijn) jonch(e)r leenen xii mudde(n) even(en) voe(r)/ sijn p(er)de en(de) die sal hij oick betalen gelijc als tvoirs(creven)/ coren It(em) noch sal m(ijn) jonch(e)r hem leenen een mudde/ boonen een mudde erwiten en(de) noch alsoe vele som(er)corens/ als hij behoeven sal te sayen(e) et dat sal hij bet(alen) bynnen/ / den jae(re)n gelijc den voirs(creven) coren te weten(e) alle jae(re)/ terdedeel van elck(er) so(m)men voirs(creven) It(em) inden gevalle oft/ henrick aflivich wordde en(de) zijn huysvr(ouw) en wae(r) niet/ wel gestelt o(m)me den hoff te houden(e) dat alsd(an) dese/ geleende pe(n)ni(n)g(en) met oic den gheleend(en) grayne ende/ den t(er)mijn van s(in)[t] jans(mis)s[e] welke(n) hem uuytgeset is/ totten lesten jae(r) oft totter tijt toe dat hij die scape/ aen hem selven houden(de) soude zijn wes hij alsdan van/ desen voirs(creven) geleend(en) te cort wae(r) en(de) ombet(aelt) stonde soude/ alsdan de voirs(creven) daige(n) te nyeute zijn ende tgebreck/ soude gans en(de) geheel v(er)schenen zijn ende gevallen It(em)/ henr(ic) voirs(creven) moet den leem naird(er) vue(re)n alsmen dect/ oft plect ind(en) hoff beneden It(em) henr(ic) mach backen ende/ brouwe(n) op thof boven alsoe dicwijle alst hem belieft/ Item henr(ic) voirs(creven) moet m(ijn) jonch(e)r ten lesten jae(r) laten/ een goet voeder tijt hoys It(em) noch lx hoope(n) stroos half/ een half and(er) ongevoedert It(em) m(ijn) jonch(e)r sal henr(icke) geven/ tsjairs xv paer duven It(em) henr(ic) sal de scapen houden/ van m(ijn) jonch(e)r t(er) hellicht bij alsoe dat m(ijn) jonch(e)r belieft/ voe(r) van yeman(de) and(er)s mair mach altoes die scape(n)/ van hem selven houden als hij d(aer)toe gestelt is gelijc/ als dat voe(r) geruert [es] Ende alle dese vorw(er)den (et)c(etera) cor(am)/ buets(ele) bouchout m(ar)tii quarta