Want pet(er) bohon als geleydt nae des(er) stadt recht/ voir zijn wettich gebreck uuyt crachte van scepen(en)/ br(ieven) van loeven(e) tot allen den goeden beyde have/ ende erve jans van brombaix soe wair die/ gelegen sijn hem met brieven van des(er) stadt/ gescreven aenden meye(r) van longeville oft zijne(n)/ stadthoude(r) alle de selve goede behoirlijc heeft/ doen leve(re)n ende den selve(n) janne dach van/ / rechte te comp(ar)e(re)n alh(ier) inde banck voe(r) meye(r) en(de)/ scepen(en) doen besceyden oft hij hem d(aer)tegen hadde/ willen oppone(re)n Aldair hij op heden als ten/ daige van rechte d(aer)toe dienen(de) niet geco(m)p(ar)eert/ en is noch niema(n)t van zijne(n) wegen den selve(n)/ geleydden comp(ar)e(re)nde en(de) trecht voirts v(er)sueken(de)/ soe v(er)re dat de scepen(en) van loeven(e) t(er) maniss(en)/ smeyers nae dat hen behoirlijc gebleken heeft/ bij cleerniss resc(ri)pte reyniers ponchon meyers/ van incourt tvoirs(creven) exploit gesciet te sijne gewese(n)/ hebben voir een vo(n)nisse wair de wed(er)p(ar)tie va(n)d(en)/ voirs(creven) geleidden niet en comp(ar)eert voe(r) den opstaen(en)/ smeyers ende der scepen(en) datmen den geleydden vand(en)/ voirs(creven) goeden houden soude inde macht van sijne(n)/ beleydde scepen(en) brieven ende leveri(n)gen alsoe v(er)re/ alst noch voir scepen(en) comen is in scampno oct(obris)/ xx