Item her dierick le begge ridde(r) ende jan stevens als/ tute(u)[rs] en(de) naiste magen van willeken en(de) mariken van/ walschberge wettige kinde(re)n willems wijle(n) van walsch/ berge die hij hadde van jouffr(ouwe) ka(tlij)[ne(n)] le begge sust(er)/ doen zij leefde des voirs(creven) h(er) diericx in p(rese)ntia hebben/ geconsenteert en(de) co(n)sente(re)n mits desen dat henr(ic) van/ heymo(n)niez geleyt zijnde nae den rechte der stadt van/ loeven(e) tot allen den goeden beyde have en(de) erve des/ voirs(creven) wijle(n) willems van nu voirtane t(er) stont in/ sijne(n) handen aenveerden en(de) hantplichten sal tot sijne(n)/ vrijen eygen(en) wille met uuytgeven(en) ende and(er)ssins de/ goede h(ier) nae bescreven gelegen s(in)[t] jans gheest Te/ weten(e) yerst een boend(er) lants gelegen opt velt van/ chappenael tussche(n) de goede van heyleshem t(er) eende(r)/ en(de) de goede desselfs henr(ix) t(er) ande(re) It(em) noch een boend(er)/ lants gelegen opt [selve] velt tussche(n) de goede des outaers/ van s(in)[te] medarts t(er) eende(r) jans franckarts en(de) des voirs(creven)/ henr(ix) t(er) ande(re) It(em) noch iii(½) dach(mael) lants ald(aer) gelegen/ tusschen de goede meest(er) lod(ewijx) roelants t(er) eende(r) de/ goede s(in)[te] g(er)mains te thiene(n) t(er) ande(re) It(em) noch iii dach(mael)/ naist de(n) goeden desselfs henr(ix) en(de) jans van colen/ It(em) noch i boender en(de) xl roeden lants gelegen ald(aer)/ tussche(n) de goede des godshuys van ghempe t(er) eende(r)/ en(de) der erven van s(in)[t] jans gheest It(em) noch i(½) dach(mael)/ lants gelegen neven de beke ald(aer) en(de) de goede/ vand(en) p(ro)chiaenscap It(em) noch i(½) dach(mael) lants tusschen/ de goede desselfs henr(ix) ende jans henrot Ende/ dit inde stat van alsulken ii(½) mudden t(ar)wen en(de)/ ii(½) mudden core(n)s erfpachts als de selve henr(ic) jairl(ijcx)/ heeft en(de) heffen(de) is met scepen(en) br(ieven) van loeven(e)/ opden voirs(creven) wijle(n) willem(me) van walschberghe vad(er)/ der voirs(creven) kinde(re)n ende dat soe lange de selve/ kinde(re) tot hue(re)n mondige(n) dagen gecomen sulle(n) sijn/ Ende in gevalle de selve kinde(re) tot hue(re)n dagen/ gecomen zijnde zij de selve goede wed(er) ae(n)verden/ wouden dat zij dat sulle(n) moegen doen den selven/ henr(icke) dan betalen(de) zijne(n) voirs(creven) erfpacht Ende om/ deswille dat de selve henr(ic) de voirg(eruerde) goede alsnu/ / driesch en(de) ongewonne(n) aenveert heeft soe hebben de/ voirs(creven) tutuers ende momboirs inden name als voe(r) den/ selven henr(icke) geco(n)senteert en(de) gewillecoirt dat hij nae/ dien de selve kinde(re) die goede alsoe wed(er) bege(re)n sulle(n)/ willen te hebben(e) dat hij die goede nochtans d(aer)enboven/ noch houden sal den t(er)mijn van negen jae(re)n alsda(n) d(aer)/ nae vervolgen(de) om en(de) voe(r) alsulken prijs als ande(r) goed(en)/ ald(aer) gelegen alsdan souden moegen gelden op tvoldoen/ vanden selven zijne(n) voirs(creven) erfpacht alsdan jairlijcx/ vallen(de) ende van alsulken verloepen(en) pachten als va(n)d(en)/ selven rinten tot des(en) dage gevallen souden moegen/ bevonden wordden noch reste(re)nde behalven in dien/ goede rekeni(n)ge van tgene des de selve henr(ic) tot/ op heden d(aer) op ontfangen soude moegen hebben cor(am)/ h(er)meys tymple nove(m)br(is) viii