Want henr(ic) vand(er) couthe(re)n als mo(m)boir vanden/ kinde(re)n jans wijle(n) reers geleydt zijnde tot allen/ den goeden nae des(er) stadt recht voir zijn wettich/ gebreck uuyt crachte van scepen(en) brieven van loeven(e)/ beyde have en(de) erve wout(er)s libot soe wair die/ gelegen zijn hem met br(ieven) van des(er) stadt gescreven/ aenden meye(r) van aynines oft zijne(n) stadhoude(r) alle/ de selve goede behoirlijc heeft doen leve(re)n ende/ den selve(n) woute(re)n libot en(de) ande(re)n dach van rechte/ te comp(ar)e(re)n alh(ier) inde banck voe(r) meye(r) en(de) scepen(en) van/ loeven(e) doen besceyden oft zij hen d(aer) tegen hadden/ willen oppone(re)n Ald(aer) de selve jan libot noch niema(n)t/ van zijne(n) wegen gecomp(ar)eert en zij(n) den voirs(creven)/ geleydden comp(ar)e(re)nde en(de) trecht voirts v(er)sueken(de)/ / soe v(er)re dat de scepen(en) van loeven(e) t(er) manissen/ smeyers nae dat hen behoirlijck gebleken heeft bij/ resc(ri)pte joes van crenwy(cs) meyers van aynines tvoirs(creven)/ exploit gesciet te zijne gewesen hebben voir een/ vo(n)nisse wair de wed(er)p(ar)tie vand(en) voirs(creven) geleydden/ niet en co(m)p(ar)eert voe(r) den opstaen(en) smeyers en(de) der scepen(en)/ datme(n) den selve(n) geleidden va(n)d(en) voirs(creven) goeden houden soude/ inde macht van zijne(n) beleyde scepen(en) brieven en(de) leveri(n)g(en)/ alsoe v(er)re alst noch voir scepen(en) comen is in scampno/ nove(m)br(is) penulti(m)a