Nae dien alh(ier) bijd(en) raide vand(er) stadt colin lenart/ en(de) hustin cocka als scepen(en) van genepe inde(n) name/ van hue(re)n medebrued(er)s t(er) eende(r) die alh(ier) bescreven wae(re)n/ t(er) instan(cie) jans pirot staen(de) voe(r) de selve scepen(en) in/ rechte tegen robb(er)de de huy en(de) de voirs(creven) jan pirot/ t(er) and(er) zijden ende dat op seke(r) vo(n)niss(en) bijd(en) selven/ scepen(en) gewesen d(aer)inne de voirs(creven) jan pierot hem/ / p(re)tendeerde gelast te zijne Te weten(e) in dien nae dat/ seke(r) hootvo(n)niss(en) alh(ier) tusschen de voirs(creven) p(ar)tien geg(even)/ wae(re)n genoech inhouden(de) op seke(r) calangien om hem/ gemaict soe v(er)re de getuyge(n) robb(er)ts del hose cleerde(n)/ bij eede dat zij noch wynners noch v(er)liesers en wae(re)n/ tussche(n) de selve p(ar)tien uuytstaen(de) nu oft in toecomen(de)/ tijden dat zij soud(en) moegen dragen niet wed(er)staen(de)/ der calangie(n) en(de) eer den eedt navolgen(de) den vo(n)nisse/ ged(aen) was de voirs(creven) scepen(en) ten v(er)volge des voirs(creven) robb(er)ts/ hen gewesen hebben zijn pand(en) oft innegesette pe(n)ni(n)g(en)/ vand(er) hootvaert voirs(creven) costel(oes) wed(er) geg(even) te wordden/ D(aer) inne de voirs(creven) jan pirot [vacat] dat zij te vroech/ op wae(re)n en(de) dat voe(r) al de voirs(creven) getuyge(n) behoirden/ hue(re)n eedt navolgen(de) den vo(n)nisse ged(aen) te wordden/ om alsdan vand(en) selve(n) costen vand(er) hootvairt gedaen/ te wordden alsoet behoe(re)n soude Appelle(re)nde alsoe/ vanden selven vo(n)nisse en(de) beg(er)d(en) bijd(er) wet alh(ier) dat/ hij in dien ger(e)levert soude wordden en(de) de voirs(creven)/ scep(enen) ger(e)formeert e(m)mers tott(er) tijt als voe(r) de voirs(creven) getuyge(n)/ gecleert soud(en) hebbe(n) ten eene(n) oft ten ande(re)n navolgende/ den voirs(creven) hootvo(n)nisse D(aer) tegen de voirs(creven) scep(enen) seyd(en)/ des zij ged(aen) mochte(n) hebben dat zij dat bij gemeyne(n)/ advijse hadd(en) gewesen en(de) meynden d(aer)inne wel gedaen/ te hebben ende niet wete(n)s dat zij d(aer)inne and(er)s gedaen/ hadden dant behoirde meyne(n)de d(aer) mede te gestaen(e)/ leggen(de) nochtans de gelegenth(eit) vand(er) saken ter discretien/ des(er) vand(er) wet soe v(er)re d(aer)inne gefalgeert wae(re)/ v(er)sueken(de) cautie en(de) borchtocht vand(en) costen die in des(er)/ bij he(n) geled(en) soud(en) moegen wordden te des(er) instan(cie)/ D(aer)op de voirs(creven) jan pirot seyde dat hij arm was/ en(de) egheen cautie en hadde te stellen mair p(rese)nteerde/ d(aer) voe(r) in hachten te gane soe verre de scepen(en) dat/ beg(er)d(en) met meer woirden hopen(de) alsoe t(er) (con)clusie(n)/ de selve scepen(en) dat zij tonrecht alh(ier) bijd(en) voirs(creven) ja(n)ne/ bescreven wae(re)n te voirde(r) want zij niet en meynden/ anders dan trecht gedaen te hebben ende oft anders/ gedaen wae(r) stelden zij dat t(er) discretie(n) vand(er) wet/ Es p(ar)tien uutgesproken voe(r) recht dat tvoirs(creven) leste/ / gewijsde bij scepen(en) van genappe tussche(n) den voirs(creven)/ janne pirot en(de) robb(er)de del hoste gewesen aengaen(de)/ der lester hootvairt en(de) den gefineerd(en) pe(n)ni(n)gen in/ dien sal bliven berusten(de) tott(er) tijt de voirs(creven) getuygen/ navolgen(de) der hootvairt alh(ier) bij scepen(en) van loeven(e)/ hem geleert gecleert sullen hebben ten eene(n) oft ten/ ande(re)n om d(aer)entinden vand(en) selve(n) hootcosten en(de) gefi/ neerd(en) pe(n)ni(n)gen ged(aen) te wordd(en) soe behoe(re)n sal in/(con)s(ili)[o] opidi decembr(is) qui(n)ta