It(em) oft den voirs(creven) roelande ende zijnd(er) huysvr(ouwe)/ binne(n) desen voirs(creven) t(er)mijne geliefde te hebbene/ / eene(n) leeven(de) borghe voe(r) tvoldoen vand(er) voirs(creven)/ pechtinghen ende van allen conditien ende/ vorweerden dair inne beg(re)pen in dien gevalle/ zulle(n) de selve jan ende zijn huysvr(ouwe) sculdich/ zijn ende hebben geloeft den selve(n) roelande/ ende zijnd(er) huysvrouwen tot hue(re)r manissen/ geve(n) goede(n) leven(de) borghe goet genoech zijnde/ dan voe(r) te stellen(e) die hem verbinden ende/ veroblige(re)n zal voe(r) scepen(en) van loeven(e) voe(r)/ tvoldoen vander selv(er) pechti(n)gen en(de) alle(n) (con)ditien/ ende vorweerden dair inne begrepe(n) ende/ elke bezundert Behalven soe wa(n)neer deselve/ jan ende zijn huysvrouwe uut versuecke/ des voirs(creven) roelants ende zijnd(er) huysvrouwe(n)/ dien borghe alsoe gestelt zullen hebben/ dat de selve roelant ende zijn huysvrouwe/ alsdan sculdich zullen zijn dese voirs(creven) goedi(n)ge/ t(er) stont ta(n)nichile(re)n ende te nyeute te doene/ cor(am) eisd(em)