Want g(er)truydt docht(er) wijle(n) he(re)n [he(n)r(ix)] giel(is) priest(er)s cureyt als/ hij leefde van opp(er)baix als geleydt nae des(er) stadt recht/ voir zijn wettich gebreck uuyt crachte van scepen(en) br(ieven) van lov(en)/ tot allen den goeden beyde have en(de) erve arnts wijle(n) le/ ballotial jans le bonnier pet(er)s wijle(n) le storq(ue) fastrarts/ de rosie(re)s ende tossains abeert soe wair die gelegen/ zijn heur met br(ieven) van des(er) stadt gescreven aenden/ meye(r) van opp(er)baix oft zijne(n) stadthoude(r) alle de selve/ goede behoirlijc heeft doen leve(re)n ende den voirs(creven)/ p(er)soenen de weduwe(n) ende erfgenamen der selv(er) dach/ van rechte te comp(ar)e(re)n alh(ier) inde banck voe(r) meye(r) en(de)/ scepen(en) van loeven(e) doen besceyden oft zij hen d(aer)tegen/ hadde(n) willen oppone(re)n Ald(aer) zij op heden als ten daige/ van rechte d(aer)toe dienen(de) niet gecomp(ar)eert en zijn/ noch niema(n)t van hue(re)n wegen ende lamb(er)de duffay/ als p(or)cur(eur) der selv(er) geleidd(e) comp(ar)e(re)nde ende trecht voirts/ versueken(de) soe v(er)re dat de scepen(en) van loeven(e) t(er) maniss(en)/ smeyers nae dat hen behoirlijc gebleken heeft bij rapporte/ jans driedoens des(er) stadt bode tvoirs(creven) exploit gesciet te/ zijne gewese(n) hebben voir een vo(n)nisse wair de wed(er)p(ar)tie/ vand(en) voirs(creven) geleyden niet en comp(ar)eert voe(r) den opstaen(en)/ smeyers ende der scepen(en) datme(n) de selve geleydde houd(en)/ soude inde macht van hue(re)n beleyde scepen(en) br(ieven) en(de) leveri(n)g(en)/ alsoe v(er)re alst noch voir scep(enen) comen is in scampno dec(embris) xx