Allen den ghenen dat her machiel absoloe(n)s ridde(r)/ jan van buetsele adam van caverchon arnt/ van hove ende claes vanden boeg(ar)de in p(rese)ntia/ hebben geconst(itueert) volcome(n) macht ende p(ro)curatie/ geg(even) he(re)n ende meeste(re)n pete(re)n van s(in)te pet(er)s advocaet/ ons genadichs he(re)n in braba(n)t om te bege(re)n ende/ nae recht te versueken voir alle richte(re)n dair/ des behoeven zal moegen alsulke(n) absolutie vande(n)/ banne ende ande(re)n geestelike(n) censue(re)n dair inne/ zij als borghen der stadt van loeven(e) aen eene(n) geheete(n)/ willem wipton ten versueke(n) desselfs willems oft/ zijns procur(eur)s in tijden voirleden gedaen moeghen/ wesen ende in dien voirde(r) te doene te versueken/ te beghe(re)n ende te bedi(n)gen allet ghene des zij/ / selve souden moegen doen opdat zij aldair tegewoirdich/ ende voir oegen wae(re)n [cu(m) p(otes)tate sub(stituen)[di]] p(ro)mitten(tes) ratu(m) cor(am)/ pynnock hermeys decembr(is) xxviii