Nae dien comen zijn bijden raide vand(er) stadt jan van/ halmale jan van hoevelde ende s(er)vaes hochs als gesworen(en)/ vand(en) jae(r) voirleden vanden smeden ambachte en(de) de selve/ s(er)vaes hochs als gesworen(e) nu t(er)tijt te kynnen geven(de)/ hoe dat zij int jair vorleden name(n) inden name vand(en)/ selven ambachte de pontass(isen) hue(re)n ambachte aengaen(de)/ opden xxviii[te(n)] d(enier) van des elc inden selven ambachte/ vand(er) selv(er) pontass(isen) gebruyken(de) soude moegen sculdich/ zijn ende dat voe(r) de so(m)me van xvi(½) rinsg(ulden) die zij/ den cremers ende vettewariers den t(er)mijn van zesse jae(re)n/ moten bet(alen) bege(re)nde want zij h(ier) af een settinge hadden/ gemaict nae hue(re)n besten en(de) op hue(re)n eedt nae elcx/ gelegenth(eit) d(aer)inne zij gebreck vonden dat de selve/ onder dambacht wesen(de) die hen d(aer) inne niet en woud(en)/ quijte(n) ende besund(er)t pauwel vand(en) dale jan cas p(rese)nt/ zijnde ende meer ande(re) absent wesen(de) D(aer)op de selve/ pauwel en(de) jan clagen(de) dat zij te hooge gesedt/ wae(re)n hebben gesustineert datmen die stelle(n) soude/ nae der oud(er) costume(n) te weten(e) niet soe hooge als zij/ bijd(en) selve(n) gesworen(en) wae(re)n gestelt dwelc he(n) o(n)moegel(ijc)/ was te dragen De voirs(creven) gesworen(en) d(aer)op r(e)plice(ren)de/ seyden dat den last vand(er) selver pontass(isen) nu hoogh(er)/ gedroech te weten(e) op xvi(½) rinsg(ulden) die h(ier) voirmaels/ mair op vijf rinsg(ulden) en plach te comen(e) ende soe was/ van noode dat zij nae gelande van dien nae elcx/ gelande en(de) neri(n)g(en) in dien souden hooge(n) om totter/ voirs(creven) so(m)men te comen(e) en(de) dat elc die so(m)me soude/ bet(alen) oft he(m) purge(re)n bij eede van hue(re)n xxxviii[te] d(enier)/ van des der selv(er) pontass(isen) aengaet Seyd(en) oic de/ voirs(creven) p(er)soenen dat zij de voirs(creven) settinge gedaen/ hadden bij advijse en(de) consente vanden meeste(n) deele/ vand(en) ambachte ende dat elc also hem in dien/ soude hebben te vuegen(e) De voirs(creven) ande(r) p(er)sonen/ de (contra)rie sustine(re)nde es get(er)mineert en(de) uutgesproke(n)/ dat die vand(en) ambachte hen sulle(n) hebben te vuegen nae/ der settingen die bijd(en) gesworen(en) in des(er) ged(aen) is/ geweest nae elcx gelegent(eit) ende staet vand(en) v(er)thieri(n)g(en)/ en(de) hanteri(n)gen der goed(en) d(aer) af men de pontass(isen) geven(de) is/ / ende due pe(n)ni(n)g(en) sculdich zijn op te leggen(e) en(de) te/ bet(alen) Behalven oft de ghene die inde pontass(isen) (con)t(ri)bue(re)n/ nu oft in toecomen(de) tijd(en) souden willen seggen v(er)sedt/ te zijne dat zij hen bij eede purge(re)n van hue(re)r neri(n)g(en)/ voe(r) recht oft and(er)ssins als dat behoirt gestaen sullen/ nae raet vanden xxviii pe(n)ni(n)ge en(de) h(ier) af kuese hebben/ in (con)s(ili)[o] op(idi) januarii xviii