Nae dien bijden raide vand(er) stadt is gecomp(ar)eert jan/ de becke(re) vissche(r) geven(de) te kynnen hoe dat hij eene(n)/ langen tijt in tijden voirleden ind(er) stadt van antw(er)pe(n)/ / geco(m)mert hadde geweest voe(r) der stadt scult te weten(e)/ bij nae drie vie(re)ndeele(n) jairs oft d(aer)omtr(int) met meer/ ande(re)n ingeseten(en) van des(er) stadt te weten(e) arnde baten/ en(de) janne van kerbeke ten v(er)sueke der w(er)dynnen pet(er)s/ wijlen inde kerse en(de) der mo(m)boe(re)n van hue(re)n kinde(re)n/ als voe(r) de so(m)me van xix[c] goud(en) andr(ies) guld(en) d(aer) inne/ de stadt te he(m)wert verbond(en) stont oft hue(r) borghen/ ind(er) maten een cedulle bij hem d(aer)af geexhibeert dat/ inhielt v(er)sueken(de) ger(e)compenseert te zijne van des hij/ d(aer) o(m)me vertheert en(de) verlet hadde gelijc ande(re) Te weten(e)/ totter so(m)men toe van xx r(ins)guld(en) p(rese)nte(re)nde d(aer)aen te/ cortten(e) ii(½) pet(er)s als van eend(er) correctien d(aer)af hij der/ stadt alsoe vele sculd(ich) was ende dat hem tsurp[l(us)]/ bijd(er) stadt w(er)de bet(aelt) uuyt hue(re)n reg(ist)re oft gecort/ wordde aen sijn ass(isen) vand(er) vischmerct [ind(er) mate(n) den ande(re)n voirs(creven) soe hij seyt va(n)d(en) gelijke(n) ged(aen) was] D(aer) op den/ raidt gelev(er)t hebben(de) es den selven geseet ende/ uuytgesproken datmen den selve(n) janne van sijne(n)/ gebreken voirs(creven) (con)tente(re)n soude bij pe(n)ni(n)gen oft cortsele/ van sijne(n) ass(isen) van des voirs(creven) steet en(de) dat de rintm(eeste)rs/ d(aer) af sijne(n) moet souden hebben act(um) cor(am) lyefkenrode/ rosme(re) et aliis de (con)s(ili)[o] januarii xviii