Want denijs melgiers al(ia)s laukens als geleydt nae/ des(er) stadt recht voe(r) zijn wettich gebreck uuyt/ crachte va(n) scepen(en) brieve(n) van loeven(e) tot alle(n) den/ goeden beide have ende erve anthoenijs wijle(n) van/ wynghe meyers va(n) libbeke als hij leefde [hem] met/ brieve(n) van des(er) stadt gescr(even) aende(n) meye(r) va(n) libbeke/ oft zijne(n) stadhoude(r) te holsbeke alle de selve goede/ te holsbeke gelege(n) ende met ja(n)ne berain vorste(r)/ alle de selve goede bi(n)nen loeven(e) gelege(n) behoirl(ijc)/ heeft doen leve(re)n ende anthoenise zone des voirs(creven)/ wijle(n) anthoenis ende vrancke(n) ende ja(n)ne/ tribout tarschot ja(n)ne kerrema(n) te mechele(n) en(de)/ meest(ere)n janne calaber ende (christ)iane van/ dieven te loeven(e) alle als naiste maghen ende/ / vriende(n) des voirs(creven) anthoenis des zoens dach van/ rechte te compare(re)n inde banck voe(r) meye(r) en(de) scepen(en)/ van loeven(e) doen bescheide(n) oft zij hen d(aer)tege(n) hadde(n) wille(n)/ oppone(re)n Aldair zij niet gecomp(ar)eert en zijn noch/ nyema(n)t van hue(re)n wege(n) ende de voirs(creven) geleidde/ comp(ar)e(re)nde trecht voirt versocht heeft soe verre/ dat de scepen(en) van loeven(e) t(er) manisse(n) smeyers nae/ dat hen behoirlijck heeft gebleken bij rapporte jans/ driedoens des(er) stadt bode tvoirs(creven) exploit tot holsbeke/ geschiet en(de) bij cleernisse(n) des voirs(creven) jans berains/ vorsters tvoirs(creven) exploit bi(n)nen loeven(e) geschiet behoirl(ijc)/ geschiet te zijne vo(n)nislijck gewijst hebbe(n) wair/ de wed(er)p(ar)tie vand(en) voirs(creven) geleidd(en) niet en comp(ar)eert/ voe(r) den opstaen(e) smeyers ende der scepen(en) datme(n) den/ selve(n) geleidde(n) vand(en) voirs(creven) goeden houde(n) soude inde/ macht van zijne(n) voirs(creven) beleide scepen(en) brieve(n) en(de)/ leveri(n)gen alsoe v(er)re alst noch voe(r) scepen(en) come(n) es/ in scampno januarii xix