Aldair voe(r) den raide vand(er) stadt comen is denijs/ melgiers tegen janne leesens m(er)ten(en) gans en(de) woute(re)n/ vand(en) wouwe(re) versueken(de) van hen betalinge van dien/ xxxiii r(ins)guld(en) hem noch reste(re)nde vand(en) xlii r(ins)g(ulden)/ xv stu(vers) gecome(n) vanden acht bedden v(er)cocht ten huyse/ he(re)n augustijns wijlen vand(er) borchoven te voirde(r) want/ zij die gecocht hadden voe(r) de selve so(m)me van xlii/ r(ins)g(ulden) xv st(uvers) d(aer)op hij ontfaen hadde de thien r(ins)g(ulden) v st(uvers) my(n)/ alsoe dat hem noch resteerd(en) de voirs(creven) xxxiii r(ins)g(ulden)/xv st(uvers) hopen(de) dat dat alsoe behoirde D(aer) tegen jan/ leesens als de ghene die bekinde dat hem dese goede/ voirs(creven) aengeloet wae(re)n ende als de ghene die bekinde/ dat he(m) d(aer)af den last te dragen hadde en(de) sijn mede/ gesellen te lossen seyde dat nae scatters recht d(aer)toe/ / stont t(er)mijn van vi weeken die noch niet comen en/ wae(re)n ende die hij meynde dat hem wordden soud(en)/ D(aer) tegen denijs p(rese)nteerde te thoenen dat vorw(er)de en(de)/ ond(er)sproken was met ge(re)den gelde en(de) sond(er) respijt/ oft t(er)mijn te bet(alen) niet te myn d(aer)af sceyden(de) wae(r)/ bereet hen drien d(aer) af den eedt te deilen Oic en woude/ hij hem alleen(e) niet houden aen janne leesens mair/ aen hen drien die bijd(en) coop wae(re)n Sijn p(ar)tien/ bij middele en(de) ond(er)wijse vand(en) liefke(n)r(ode) borg(ermeester)[e] d(aer)toe/ bracht afslaen(de) alle eede dat denijs den dach/ verwachten sal van xiiii nachten ende zij sullen/ alle drie hem van sijnd(er) bet(alinge) der resten voirs(creven)/ alsdan v(er)antwerd(en) act(um) januarii xxviiii