Inder saken geport voe(r) den raide vand(er) stadt/ tussche(n) jouffr(ouwe) ka(tlij)[ne(n)] van langrode wed(uw)[e] jans wijle(n)/ switten t(er) eende(r) en(de) jacoppe(n) hue(re)n sone en(de) cornel(ise)/ de vroede molde(r) inde amoelen t(er) ande(re) der selver/ amoelen aengaen(de) d(aer) inne de voirs(creven) jouffr(ouwe) inden/ name van wijle(n) janne de witte hue(re)n man/ p(re)tendeerde gericht te zijne in trecht den selven/ wijle(n) janne de witte hue(re)n man compete(re)nde/ en(de) tsamen in vollen stoele besaten en(de) [he(m) in deili(n)gen gevalle(n) mochte(n) wese(n)] alsoe uuytrey/ kinge en(de) bet(alinge) te hebbe(n) vand(en) voirs(creven) molde(r) vand(en)/ v(er)loepe in dien Aldair de voirs(creven) jacop hue(r) geroepen/ zijnde metten yersten niet en comp(ar)eerde hoe wel/ de selve naemaels quam en(de) wert alsoe gelast voe(r)/ de compst des voirs(creven) jacops den voirs(creven) molde(r)/ dat hij de voirs(creven) jouffr(ouwe) wed(er) contente(re)n soude van/ hue(r) p(ar)t en(de) portie wijle(n) huers mans die hij in zijnd(er)/ tijt besitten(de) was oft anders soude men d(aer) aff/ executie doen over den selven molde(r) oft zijn/ / goede als nae recht behoe(re)n soude Dwelc de voirs(creven)/ jacop comen(de) inde came(r) heeft geschut en(de) geseet dat/ hij ontkinde dat zijn moeder e(n)nich gedeelte dair/ inne hadde oft zijn vader gehadt hadde ende dat/ hem zijn moeye smu(n)ters die moelen gemaict hadde/ hem refere(re)nde totten testame(n)te in dien vand(er) selv(er)/ zijnd(er) moeyen D(aer) tegen de voirs(creven) zijn moed(er) laten(de)/ gaen testame(n)t der voirs(creven) moeyen heeft geseet dat/ jan de witte wijlen huer man als voe(r) in zijnen/ leven(en) hadde een gedeelte in vollen stoele tselve besitten(de)/ hopen(de) d(aer) inne gericht te zijne in tselve gedeelte/ Es geseet en(de) geordineert bijden selven raide dat/ de stadt huer h(ier) af informe(re)n soude vand(en) gedeelte/ des voirs(creven) wijlen jans de witte het zij uuyter deyli(n)gen/ leven(de) wair heyt oft and(er)ssins tusschen dit en(de) in/ goensdaige naistcomen(de) ende d(aer)entinden tusschen/ den voirs(creven) jacoppe en(de) hue(r) gedaen te wordden(e) soe/ behoe(re)n sal ende werdde gelast jacoppe(n) oic alsdan/ te bringe(n) testame(n)t van zijnd(er) moeyen ende werdde/ gelast den molde(r) tgoet ond(er) te houden(e) totten ynde/ vanden beslichte van des(er) om alsdan den ghenen te/ betalen(e) en(de) gelevert te wordden(e) die d(aer)inne gericht/ soude moegen wesen in (con)s(ili)[o] opidi m(ar)tii p(ri)ma