Nae dien henr(ic) van ravescote als p(ro)cur(eur) reyners/ temple(re)n ende m(ar)grieten kempeners sijns wijfs nae/ des(er) stadt recht geleyt zijnde voe(r) hue(r) wettich/ gebreck tot allen de goeden have en(de) erve pet(er)s/ wijle(n) vand(er) wympen en(de) marie(n) kempeners zijns/ wijfs suster was der selver margrieten voe(r) acht/ / rinsgulden(en) lijfpen(sien) metten acht(er)stelle ende bewijsseniss(en)/ van dien ende oic voe(r) xxv rinsg(ulden) eens d(aer)inne/ de selve wijle(n) pet(er) vand(er) wympen en(de) marie kempeners/ te te hemwert gehouden wae(re)n met scepen(en) br(ieven) van/ loeven(e) als voe(r) der selv(er) m(ar)grieten kintsgedeelte/ van hue(re)n ouders goeden dair mede zij van dien/ uutgepoint en(de) afgecocht was hem hadde doen leve(re)n/ seke(r) pe(n)ningen die arnt hanckart sculdich was oft/ ond(er) de wet gestelt hadde soe van acht(er)stellige(n) rinte(n)/ soe van d(enieren) bij arnde onder de wet gestelt voe(r)/ dafquite(n) van rinten die hij vand(en) goeden van byncke(m)/ sculdich was gedragen(de) [vacat] rinsgulden(en) uuyt/ saken vand(en) v(er)coepe en(de) nairderi(n)gen van seke(re)n erff/ goeden te byncke(m) gelegen wijle(n) janne de kempene(re)/ en(de) zijne(n) wive vad(er) en(de) moeder der selv(er) suste(re)n toe/ behoiren(de) ende die de voirs(creven) pet(er) wijle(n) vand(er) wympe(n)/ en(de) zijn wijf als successoirs van hen in dien mits/ den afcoepe voirs(creven) toebehoirt hadde en(de) bijden exe/ cuteurs vand(en) testame(n)te der selv(er) v(er)cocht hadden/ geweest en(de) d(aer) nae ond(er)staen bijden selve(n) arnde van/ naird(er)scape ende hem gebleven wae(re)n ut(er)lijcken/ soe met tractate soe and(er)ssins welk(er) pe(n)ningen/ costen de ma(n)demake(re) als man ende mo(m)boir van/ ka(tlij)[ne(n)] kempeners sijnd(er) werdynnen docht(er) des voirs(creven)/ wijlen pet(er)s vand(er) wympen en(de) sijns wijffs naed(er)/ hant op borchtochten gecreg(en) hadd(en) ende d(aer) voe(r)/ hadd(en) v(er)antw(er)t en(de) was borge bleven hubrecht/ vand(en) wouwe inde roese opde merct hadde/ hem oick de selve geleydde doen leve(re)n alsulk(er)/ pe(n)ni(n)g(en) als de voirs(creven) hubr(echt) sculdich mocht zijn/ van huyshue(re)n vand(en) huyse geh(eten) de roese en(de)/ den huyse inde hoelstrate tegen de pe(n)ni(n)c strate/ over en(de) vand(en) cleyne(n) huyse gelegen inde cattest(ra)te/ tegen moed(er)loes over wijle(n) der voirs(creven) pet(er)s va(n)d(er)/ wympe(n) en(de) zijns wijfs om van al bet(aelt) te moegen/ wordden vand(en) voirs(creven) wettige(n) gebreken d(aer) hij geleit/ zijnde gesustineert hadde wair hem gheen betali(n)ge// en gebuerde vanden gebreken voirs(creven) dat hen de/ gelev(er)de d(enieren) en(de) sculden sculdich souden zijn te volgen(e)/ en(de) aengewijst te wordden(e) aende ghene die die ond(er)/ hebben mochten ende v(er)borcht hadden hem des gedragen(de)/ totten rechte D(aer) tegen de voirs(creven) costen bij jacoppen/ wittema(n) sijne(n) p(ro)cur(eur) met hubr(echte) vand(en) wouwe bij/ div(er)sen uuytwegen hen geopponeert hebben seggen(de)/ dat dese materie hinc ombeslicht voe(r) den officiael/ van ludick ende d(aer)op seke(r) inhibitien voirmaels/ geexecuteert hadd(en) geweest t(er) (contra)rien inde wethoud(er)s/ in p(ar)tien en(de) and(er)s bijden welken sij sustineerden dat/ de geleydde verdoelt was met sijnd(er) conclusien ende/ versueke voirs(creven) Welke inhibitie(n) oirspronck en(de) hue(r)/ fundame(n)t genomen soude hebben opt testame(n)t des/ voirs(creven) wijle(n) jans de kempene(re) en(de) zijns wijfs oft/ des eens van hen vad(er) en(de) moed(er) wae(re)n der voirs(creven)/ twee gesuste(re)n kempeners ende alsoe en consten sulke/ inhibitie(n) den scepen(en) br(ieven) van loeven(e) gepasseert tusschen/ den gesuste(re)n kempeners en(de) hue(r) mo(m)boe(re)n lange nae/ den selve(n) testame(n)te den selve(n) leste(n) co(n)tracte niet/ afgeneme(n) den selve(n) scep(enen) br(ieven) van loeven(e) noch der/ executie(n) van dien Besund(er)t te voirde(r) gemerct/ dat de selve m(ar)griete voe(r) huer kintsgedeelte/ van allen hue(re)n oud(er)s goeden dat vele bet(aelt) was/ voe(r) deen hellicht dan de pe(n)ni(n)g(en) en(de) tp(ro)fijt vand(en)/ afcoepe voirs(creven) besundert want deen hoff metten/ toebehoirten te bynkem v(er)cocht was geweest xx/ r(ins)g(ulden) erffel(ijc) bove(n) alle(n) lasten sonder de voirs(creven)/ twee huysen deen inde hoelstrate en(de) dand(er) inde/ cattestrate die tsame(n) gedragen omtrint iii(½) r(ins)g(ulden)/ boven co(m)mer en(de) noch een c(r)[o]ne erffel(ijc) vand(en) huyse/ op sint machiels kerchoff die al tsamen gedrage(n)/ souden wel xxiiii r(ins)gulden(en) erffelijc ten mi(n)sten/ boven comer d(aer) af m(ar)grietens kintsgedeelte en/ hadde gedaen den uuytcoep gedragen soude hebbe(n)/ xii erff(elijx) d(aer) zij mair de voirs(creven) viii rinsgulden(en) lijfpen(sien)/ tot hue(re)n live alleene en(de) noch l rinsg(ulden) eens// Welken reden(en) te voirde(r) aengemerct en(de) oick/ want sijn meest(er)sse te weten(e) m(ar)griete was een/ arme besiecte me(n)sche die shuers wel behoefde/ en(de) anders niet en hadde op te leven(e) en(de) de welke/ costen hue(r) swag(er) vele v(er)driets costen ende lasten/ aengedaen hadde metten geestelijcken gerichte d(aer)/ mede hij met quad(en) en(de) ontrechtv(er)dig(en) fundame(n)te/ dair betogen en(de) gevexeert hadde de procur(eur)/ sustineerde sijn (con)clusie Te voirde(r) oick want hij als/ p(ro)cur(eur) ger(e)nu(n)cieert hadde voe(r) ende eer hij dese leste/ p(ro)cedue(r) begonste r(e)nu(n)cieerde voe(r) meeste(re)n g(er)de/ jannes(en) als notar(is) vand(en) officiael van hue(re)n kintsgedeelte/ vand(en) goeden d(aer) testame(n)t voirs(creven) op sloech en(de) oic vand(en)/ selven testame(n)te en(de) hue(re)n lantrechte in dien behalven/ hue(re)r actie(n) en(de) executie van hue(re)n scepen(en) br(ieven) van loeven(e)/ zed(er)t gepasseert d(aer) mede den selve(n) testame(n)te te nietsniet/ afgenomen en was noch den geestelijck(en) p(ro)cedue(re)n in dien/ Ende want de scepen(en) van loeven(e) ut(er)lijck ind(er) saken/ gemaent zijn geweest dair de voirs(creven) costen hubrecht/ noch p(ro)cur(eur) niet tegen gecomp(ar)eert en zijn noch hen/ rechtswerdich gemaict en hebben noch oic der selver/ wet nu zijnde gheenss(ins) voe(r) en stont van e(n)nig(er) inhibitie(n)/ oft v(er)boden in hen gedaen des(er) aenged(aen) te wesen/ soe hebben zij gewijst te met vo(n)nisse dat den voirs(creven)/ geleydden de voirs(creven) geleverde pe(n)ni(n)g(en) en(de) goeden volgen/ sullen tott(er) voirs(creven) wettig(er) schout behoef cor(am) o(mn)ibus/ scabinis in scampno dempto borch(oven) m(ar)tii ix