Vander questie(n) geport voe(r) den raide vand(er) stadt tussche(n) jacoppe(n)/ cam(er)mans t(er) eende(r) en(de) lod(ewijcke) speelberchs scepman t(er) ande(re) van vi r(ins)g(ulden)/ en(de) ix st(uvers) oft d(air)omtr(int) t(er) goed(er) rekeni(n)g(en) die den selven jacoppe/ quamen als erfg(ename) van wijle(n) zijne(n) vad(er) uuyt saken van seke(re)n vout/ colen die de selve lod(ewijc) vercocht hadde den selve(n) zijne(n)/ vader toebeh(oerende) endee tgelt d(air) af ontfangen soe de selve jacop/ dat p(rese)nteerde te bewijsen oft hem ontkint wordde ende/ want de selve lod(ewijc) dair af noch in gebreke was/ soe v(er)socht hij d(air)af betaelt te wordden D(air) tegen lod(ewijc)/ antw(er)den(de) seyt dat hij div(er)se vrachten en(de) reysen/ pijn ende arbeyden voe(r) den selven wijle(n) zijne(n) vader/ gedaen hadde gedragen(de) tot seke(re)n so(m)men van pe(n)ni(n)gen/ dair voe(r) hij den selven jacoppe hadde beclaeght/ ende heden hadde men gedinght des neen aen/ gesproken soude hebben versueken(de) uuytstel van tant/ werden(e) op jacops heysch voirs(creven) tot dat jan van/ udekem sijn voirspreke die hem hier op dienen/ soude moeghen bijd(er) hant wae(r) gelijck jacops/ voirspreke was ten ynde dat hij hem/ raidde ende oick zijn woirt vue(re)n mocht/ Teghen dwelck replice(re)nde seyde dat/ hij wae(r) een man van buyten hij hadde/ lodewijcke(n) ontboden te meer malen eer hij/ e(n)nige clachte op hem hadde gedaen en(de)/ alsoe meynde hij wair lod(ewijc) hier niet en/ antw(er)de op zijne(n) eysch met kynnen ontkynnen/ oft and(er)ssins dat hem zijne(n) eysch aengetermineert/ soude wordden aengaen(de) der clachten op hem gedaen/ moeste hij wel rechts plegen dair ende/ soe dat behoirde Niet te myn want hij jacop/ / t(er) goeder trouwe(n) ende sonder bedroch voirtgaen/ woude hij p(rese)nteerde oft behoeft borgen te stellen/ voe(r) tselve des hij hem metter clachten afgewi(n)nen/ soude co(n)nen van e(n)nig(er) scult die hem zij(n) vader/ sculdich soude moegen zijn gebleven van pijne/ arbeyde oft and(er)s ut(er)lijc p(er)sisteerde jacop in zijn/(con)clusie lod(ewijcke) gecondempneert te hebben(e) inde/ betalinge vanden voirs(creven) gehaven(en) pe(n)ni(n)gen oft/ ten mi(n)sten dat hij die namptiseerde en(de) van/ hem dede en(de) stelde ond(er) de wet en(de) totten rechte/ D(air) uut(er)lijc jacop gewijst zijnde op zijne(n) thoen/ in des voirs(creven) steet mits ontkynnen van lod(ewijcke) en(de)/ lod(ewijc) dat hoe(re)nde bekinde genoech van xxvii/ ziste(re)n voutcolen van elken zistere vii(½) st(uvers)/ soe v(er)re dat ut(er)lijck bijden selven raide p(ar)tien uuyt/ gesproken wert dat lodewijck de geeyschte so(m)me/ des voirs(creven) jacops sculdich soude zijn van hem te doen(e)/ en(de) onder de wet te stellen(e) totten rechte nae den ov(er)geven(en)/ desselfs jacops ende vand(er) r(e)co(n)ve(r)tie(n) bij lod(ewijcke) gedaen/ op jacoppe d(aer) voe(r) hij jacoppe(n) beclaeght hadde als/ voe(r) d(air) af soude lod(ewijc) bliven op zijn beloep van rechte/ Act(um) in (con)s(ili)[o] opidi p(rese)ntib(us) rosme(re) burg(imagistr)[o] pynnoc scab(ino)/ hubr(echt) (con)s(ili)[o] et c(er)t(is) aliis m(ar)tii xii