Vander questien gecomen voe(r) den raide vand(er) stadt/ tussche(n) he(re)n janne pynnock ridde(r) inden name van/ / janne sijne(n) sone t(er) eende(r) ende der wed(uw)[en] heyms geheete(n)/ van gulcke t(er) ande(re) als vand(er) coma(n)tscap en(de) coope/ vand(er) h(er)bergen geheeten den slotel metten huysen/ stallen een came(r) metten solde(r) boven een porte/ toebeh(oirende) de voirs(creven) porte beneden he(re)n janne pynnock/ voirs(creven) gelijc de selve goede gelegen zijn inde dorpst(ra)te/ die de voirs(creven) jan zijn sone tegen der voirs(creven) wed(uw)[en]/ gecocht mocht hebbe(n) nae uuytwijs(en) van eend(er) sekerd(er)/ celen ten tijde vand(en) vercoepe gelesen en(de) gemaict d(aer)/ af de voirs(creven) h(er) jan inden name als voe(r) hem beclaeghde/ van dat de voirs(creven) cele e(n)nige pointe(n) meer soude/ beg(ri)pen in m(ar)gine gestelt dan bij tijde vand(en) v(er)cope/ geseet en(de) gelesen werdt te weten(e) van xxii stuv(er)s/ in div(er)sen ouden chijs(en) soe in cap(uynen) d(enieren) s(cellingen) outchijs It(em)/ noch xxx st(uvers) aen div(er)se p(er)sonen al erffelijck rinten/ alsoe de brieven begrepen als d(aer) meer uuytgaende/ ende dat bode hij der wed(uw)[en] te geven oft te houden/ dat tselve inde voirs(creven) cele ten tijde vand(en) v(er)coope/ als voe(r) niet en stont ende dat zij tegen hem oft/ zijne(n) sone geseet soud(e) hebbe(n) datter niet boven/ vii rinsg(ulden) erffel(ijc) oft d(aer)omtrint uute(n) voirs(creven) goeden/ en ghinck ende dat zij dat oic pete(re)n van dormale/ gecleert soude hebbe(n) als hij opde goede daigen/ woude Hoopen(de) alsoe voe(r) zijn (con)clusie dat zij van/ des de cele vand(en) v(er)coope meer beg(ri)pen mochte/ in m(ar)gine gescreven als voe(r) en(de) dan vii r(ins)guld(en)/ erff(elijc) oft d(aer)omtrint gedragen souden moegen dat zij/ dat afdoen soude Hij was bereet als voe(r) op goede/ guedinge de coma(n)scap taenveerd(en) en(de) genoech te/ doen(e) als hij oft zijn sone soe hij te kynne(n) gaff/ gedaen hadde van twee rijders erffelijc die huer/ souden moegen comen boven alle ontfanck vand(en)/ derden rijder soe in coren(en) gelde ende and(er)ss(ins) D(aer)op/ de voirs(creven) wed(uwe) bliven(de) bij dinhout vand(er) celen/ d(aer) af de tenue(r) nae dese t(er)mi(n)acie volght van/ woirde te woirde seydt dat zij acht(er)volgen(de)/ der coma(n)scap dopdracht en(de) gued(inge) vand(en) voirs(creven)/ goeden gedaen hadde en(de) verwonderde hue(r) zee(r)/ dat h(er) jan aldus huer moeyde en(de) molesteerde/ / en(de) de sake aldus suermaicte ende ov(er)lanc ged(aen)/ hadde ende de selve goede een groot deel van/ x oft xii duysent thiechelen gebluet En(de) al mocht/ zij als een vr(ouw) p(er)soen e(n)nige woird(en) in tijd(en) voirled(en)/ geseet hebbe(n) die huer nocht(ans) niet voir en stonden/ dair h(er) jan inden name als voe(r) in desen soude/ moegen willen behulpen soe en was zij nochtans/ noyt gegaen buyten de cele vand(en) v(er)coepe mair/ huer altijt in dien d(aer)nae gevueght en(de) alnoch vuege(n)/ woude ende den voirs(creven) janne sijne(n) sone als cope(r)/ voldoen als zij hoepte ged(aen) te hebben bege(re)nde oick/ dat hij inden name als voe(r) vand(en) gelijcke(n) doen soude/ Ende op sgheens des hij seggen mochte datt(er) meer/ stont inde cele (et)c(etera) d(aer) op seydt zij dat zij huer d(aer) af/ gedroech tott(er) depositie(n) vand(en) getuyge(n) en(de) goede ma(n)nen/ die bijde coma(n)scap hadden geweest ende des zij in/ dien en(de) hue(r) deposit(ien) geseet mochte(n) hebbe(n) in tijden/ voirleden hopen(de) dat zij (contra)rie van dier depositien/ en(de) d(er) goed(e) ma(n)nen bij geweest hadden en(de) af wisten/ te spreken gheenen eedt en souden derven doen/ en(de) dat dat al ydel ende ongefondeert was ende/ dat mits alsulk(er) manie(re)n men huer niet en soude/ belix willen circo(m)venie(re)n die een sympel vr(ouw) es huer/ srechts niet verstaende Te voirde(r) want zij ten/ tijde vand(en) maken(en) vand(er) cele(n) vand(en) vercopen(en)/ en(de) d(aer) te voe(re)n tghene d(aer) af hem h(er) jan beclaeght/ hadde doen stelle(n) huer beduchten(de) datt(er) meer uuyt/ ghinck dan zij selve wel wist om huer en(de) hue(re)n/ coop(er) te besorgen(e) huer gedragen(de) totten clercke/ en(de) and(er) goed(e) ma(n)nen die d(aer)bij alsdoen hadden/ geweest hopen(de) alsoe t(er) (contra)rien vand(en) voirnemen(e)/ des voirs(creven) h(er)jans ongehouden te wesen(e) en(de) dat zij/ malcande(re)n alsoe voldoen souden De voirs(creven) h(er)jan/ t(er) (contra)rien en(de) effecte als voe(r) replice(re)nde seydt dat/ zijn sone d(aer) mede qualic toecomen soude want/ niet vele gesien en is geweest soe hij sustineerde/ datme(n) cele(n) van v(er)copen(en) in margine scrive(n) soude/ de voirs(creven) wed(uw)[e] oic t(er) (contra)rie(n) als voe(r) altijt p(er)siste(re)nde/ Ende nae dien de wethoude(re)n int lange h(ier) op/ / hebben gelet ende de gelegenth(eit) vand(er) voirhandeli(n)gen/ vand(er) depositie(n) ende getuygeniss(en) in des(er) materien/ gebuert inden p(ro)cesse dwelc tussche(n) den voirs(creven) he(re)n/ janne ende der voirs(creven) wed(uw)[en] geintenteert es geweest/ ov(er)sien inder depositien en(de) and(er)ssins bevi(n)den(de) genoech/ dat de voirs(creven) geexhibeerde cedulle vand(en) vercoepe/ geapp(ro)beert was bijd(en) getuyge(n) ende goed(e) ma(n)nen/ den clerck en(de) ande(re) bijd(er) co(m)ma(n)scap wesen(de) ind(er) maten/ die stont en(de) alsoe gelesen werdt ten tijde vand(en) v(er)coepe/ en(de) dat oick h(er) jan en(de) sijn w(er)dynne de voirs(creven) v(er)cochte/ goede nad(er) hant hadd(en) pijne(n) te blueten(e) van thiechele(n)/ ende and(er)ssins ende mits meer ande(r) (con)side(r)atien in/ des(er) he(m) d(aer) toe in rechte porren(de) hebben zij voe(r)/ recht uuytgesproken ende get(er)mineert den voirs(creven)/ p(ar)tien dat de wed(uw)[e] voldoende de coma(n)scap nae/ uuytwijs(en) vand(er) cele(n) int wairscap en(de) anderssins/ d(aer) mede gestaen sal ende soe v(er)re men bevonde datt(er)/ meer uuytghinck dan de cele vand(er) coma(n)scap/ begrijpt in rechte geexhibeert uuyte(n) goeden d(aer) q(ue)stie/ af is dat sal de selve wed(uw)[e] af moeten doen en(de)/ oft(er) alsoe vele niet uuyt en ghinck dat sal huer/ te baten comen al nae uutwijs(en) der selv(er) celen/ Es oick v(er)cleert ende geseet dat p(ar)tien in w(er)sijden/ naevolgen(de) der selv(er) celen malcande(re)n voldoen sulle(n)/ ende dat de selve wed(uw)[e] janne pynnoc hue(re)n coop(er)/ voirs(creven) cleernisse doen sal soe v(er)re dat in huer is/ om te clee(re)n vand(en) cleynen chijs(en) ende ande(re)n erfrinte(n)/ doncker staende inde voirs(creven) cele vand(en) vercoepe aen/ wien die te betalen staen ende hoe vele aen elck/ op dat de selve coepe(r) weten mach hem d(aer) nae/ te vuegen in (con)s(ili)[o] op(idi) p(rese)ntib(us) lyefke(n)rode rosme(re) burg(imagis)[tr(is)]/ h(er)meys tymple buets(ele) bouch(out) scab(inis) udekem et plu(r)ib(us)/ aliis de (con)s(ili)[o] m(ar)tii xxvii/ Hier nae volght de cele d(aer) af voe(r)/ me(n)tie gemaict is/ Inder manie(re)n h(ier)nae volgen(de) salmen v(er)coepen op hoegen/ een h(er)berge geheeten den slotel metten huyse(n) stallen/ / een came(r) metten solde(r) boven een porte toebeh(oirende)/ he(re)n janne pynnoc ridde(r) gelijc de selve goede/ gelegen zijn inde dorp strate tussche(n) de selve/ porte metten ga(n)ge t(er) eende(r) ende den goeden/ henr(ix) wijle(n) vanden berge wape(n)makers nu/ toebeh(oirende) symoen(e) van halmale t(er) and(er) zijd(en)/ Den slach sal doen i(½) rijd(er) te xxvi st(uvers) den geheele(n)/ rijd(er) ten p(ro)fijte vanden ghenen dien den slach/ gegeven sal wordden met conditien oft hem/ de selve goede niet onthoeght en wordden soe/ en sal hij vand(en) slage niet hebben en(de) sal/ den slach noch doen vier gelten rinswijns en(de) te/ vier stuv(er)s de gelte dien wijn compt den v(er)cop(er)s/ te baten alleene/ Item dien den slach gegeven sal wordden die sal/ voe(r) yeman(de) and(er)s de voirs(creven) goede moegen hoegen/ alsoe dicwijle hem dat gelieven sal en(de) dat corts/ nae den slage/ Item elc hoegen sal doen (½) rijd(er) en(de) tvie(re)ndeel van/ eene(n) rijder ende twee gelten rinswijns al/ ten prijse voirs(creven) tgelt vand(en) hoegen(en) compt den/ coepe(r) en(de) v(er)coepe(r) half en(de) half mair den wijn/ compt den v(er)coepers alleene te baten/ Item van heden in acht daigen naistc(omende) te iiii ure(n)/ nae der noenen oft d(aer)omtr(int) in desen huyse vand(en)/ roese(n)hoet salmen een kersse berren en(de) de hoegen(en)/ sullen dair mede uuytgaen/ Item eenyegelijc sal bynnen middele(n) tijde de voirs(creven)/ goede moegen hoegen aen den clerck in p(rese)ntien/ van twee getuygen ende oft alsoe e(n)nige hoegen(en)/ gebuerden soe sal dat den ghenen die de selve/ goede lestwerff gehoeght sal hebben altijt gecu(n)dicht/ wordden tyerst datmen sal co(n)nen om he(m) d(aer)nae te/ richten/ Item lijsbeth heyms wed(uw)[e] jans wijle(n) cluppel en(de)/ d(aer) nae wed(uw)[e] henr(ix) wijle(n) van gulke lijsbeth/ / cluppel docht(er) der selv(er) lijsb(etthen) heyms en(de) wijle(n) jans/ cluppel yngele en(de) katlijne van gulcke gesuste(re)n/ kinde(re)n der selv(er) lijsb(etthen) vand(en) ii[te(n)] bedde sullen den/ coope(r) te weten(e) de voirs(creven) yngele en(de) ka(tlij)[ne] van gulcke/ met (con)se(n)te vand(er) moed(er) en(de) vand(en) vrinden van svad(er)s/ wegen behoirl(ijc) guedinge en(de) vestich(eit) doen en(de) de/ voirs(creven) goede wara(n)de(re)n op de rinte(n) hier nae/ volgen(de) Inden yerste(n) aende cap(it)le oft capellane(n)/ van sinte pet(er)s te loeven(e) ii st(uvers) xvi mit(en) It(em) aen/ tgodsh(uys) van s(in)[te] m(er)tens te loeven(e) twee rinsguld(en)/ Item aen woute(re)n vand(en) broecke eene(n) r(ins)g(ulden) It(em)/ aen meeste(re)n jacop boeg(ar)t doctoir in medicijnen/ xxi stuv(er)s It(em) aen tgodsh(uys) vand(en) p(re)dicke(re)n te lov(en)/ xv stuv(er)s It(em) aen s(in)[te] barbe(re)n capelle viii st(uvers) It(em)/ aen he(re)n janne pynnoc ridde(r) eene(n) leeu eensdeels/ licht gelt d(aer) af men nu t(er)tijt betaelt xxi(½) st(uvers)/ de weerde van xxii st(uvers) in div(er)sen ouden chijs(en)/ soe in cap(uynen) d(enieren) s(cellingen) outchijs It(em) noch xxx st(uvers) aen/ div(er)se p(er)soenen al erffelijck(er) rinte(n) alsoe de brieve(n)/ begrijpe(n) ende dat de selve goede v(er)ond(er)pant/ staen met seke(re)n ande(re)n goeden d(aer) naist gelegen/ toebeh(oirende) den voirs(creven) symoen(e) van halmale voe(r) vijf/ pet(er)s erffelijc aen(den) cap(it)le oft cap(ella)[ne(n)] van s(in)[te] pet(er)s/ te loeven(e) d(aer)af de selve goede desselfs symoe(n)s/ sculdich zijn de voirs(creven) h(er)berge geheeten den slotel/ tontheffen(e) Met conditien oft men nae recht meer/ oft myn bevonde gaen(de) uuyte(n) voirs(creven) goeden dan/ voirs(creven) steet dat tprofijt van dien den voirs(creven)/ vercoep(er)s oft insgelijcx in tgebreke van dien den/ coepe(r) opgericht sal wordden als scult metten/ rechte verwonnen te weten(e) voe(r) elken d(enier) xviii/ gelijcke pe(n)ni(n)g(en)/ Item de bate vand(en) voirs(creven) goeden salmen vercoepen/ met rijders te xxvi stuv(er)s tstuck d(aer)af de coepe(r)/ afleggen sal ten tijde vand(er) guedingen eene(n) rijd(er)/ erffelijck ende noch voe(r) twee rijd(er)s erff(elijcken) goeden/ / onderpant stellen nae des(er) stadt recht van loeven(e)/ bynnen loven(e) oft vrijh(eit) gelegen ende dat de/ selve goede meer v(er)cocht sullen wordden sal/ de coepe(r) moegen afleggen met eene(n) rijder/ smaels ende elken rijd(er) met xviii gelijcken en(de)/ met vollen pachte d(aer) af de v(er)coep(er)s hue(r) bate los/ trecken willen van pontpe(n)ni(n)gen/ Item de gene d(aer)op de voirs(creven) goede blive(n) sullen/ ten uuytgane vand(er) berrend(er) kerssen die sal bet(alen)/ den slach hoegen(de) ende wijn die navolgen(de) desen/ ordinan(cien) gedaen sullen wordden/ Item coepe(r) ende vercoepe(r) sullen malcande(re)n voldoen/ navolgen(de) desen v(er)coepe bynnen acht dag(en) nae/ duuytgaen vand(er) berrend(er) kersse(n)/ Item de v(er)coepers sulle(n) bet(alen) su alle chijs(en) uute(n) voirs(creven)/ goed(en) gaende die gevallen zijn ende die vallen/ sullen totten daige vand(er) berrend(er) kerssen incluys/ Item als van alsulken ii(½) rijd(er)s lijftocht(en) op borgen/ staen(de) d(aer) af den i(½) rijd(er) steet op een lijf ende/ den ande(re)n oic op een lijff salmen bevestigen/ opde voirs(creven) goede vand(en) rinten dat de voirs(creven)/ goede meer v(er)cocht sullen wordde(n) dan d(aer) uuyt/ gaet opdat den v(er)coep(er)s gelieft/ Op alle vorw(er)den ende conditie(n) voirs(creven) soe heeft/ den slach vand(en) voirs(creven) goeden jonch(e)r jan py(n)noc/ sone he(re)n jans pynnocx ridders renu(n)c(ierende) in des(er) alle/ p(ri)vilegien de bate voe(r) en(de) o(m)me drie rijders/ inder w(er)den voirs(creven) erffel(ijc) p(rese)nt(ibus) d(omi)no jo(hanne) de opthielt/ p(res)b(yte)ro joha(nn)e roelofs f(ilio) quond(am) radulphi arnoldo hanck(art)/ liberto vand(en) kerchove s(er)vito(r)e jo(hannis) roelofs jo(hanne) nijs/ jo(hanne) ve(re)naliten henr(ico) ackerma(n)s joh(ann)e de raveschote/ barbitonso(r)e ap(ri)lis xxvi a(n)no xcvi/ Item de selve jonch(e)r jan pynnock renu(n)c(ians) heeft/ de selve goede tweelfwerf gehoeght p(rese)nt(ibus) eisd(em)/ et eod(em) die ende is d(aer) mede afgesceyden ap(ri)l(is) xxvi a(nn)[o]/p xcvi/ / Eisd(em) a(n)no et die p(re)d(ictis) heeft de voirscreven jonch(e)r jan/ pynnoc renu(n)c(ians) uts(upra) de voirs(creven) goede noch gehoeght/ driewerf cor(am) jo(hanne) roelofs f(ilio) q(uon)d(am) roelofs d(omi)no joh(ann)e/ de opthielt et lib(er)to vand(en) kerchove/ Navolgen(de) den slage en(de) cond(iti)[en] voirs(creven) soe zijn/ de voirs(creven) goede bleven ten uuytgaen(e) vand(er) berre(n)d(er)/ kerssen den voirs(creven) jonche(re)n janne pynnock sonder/ van hem oft van yeman(de) and(er)s meer te hoegen(e)/ cor(am) d(omi)no jo(hanne) sijx p(res)b(yte)ro cap(ella)[no] eccl(es)ie sancti pet(ri) lovan(iensis)/ petro bailge et me vasont maii iii a(n)no xiiii[c] xcvi/ Dit is tgene dat de voirs(creven) jonch(e)r jan pynnock/ sculdich is te bet(alen) uuyt saken vand(en) voirs(creven) slaghe/ hoegen(de) en(de) wijn ende yerst vand(en) vie(r) gelten rijns/ wijns vand(en) slage elcke gelte rijns wijns voe(r) vier/ stuv(er)s v(idelicet) tsamen xvi st(uvers)/ Item vand(en) xv hoegen(en) die de voirs(creven) jonch(e)r jan/ pynnock gedaen heeft gedragen(de) elc hoegen xix(½) st(uvers)/ maken tsamen xiiii r(ins)g(ulden) xii(½) st(uvers) d(aer) af den selve(n)/ jonche(re)n janne deen hellicht compt af te cortten(e)/ ende de selve hellicht afgeet soe comen den/ voirs(creven) v(er)coep(er)s voe(r) dand(er) hellicht vii r(ins)g(ulden) vi st(uvers)/ Item vand(en) voirs(creven) xxx gelten wijns uuyt saken vand(en)/ voirg(eruerde) [xv] hoeghen(en) elcke gelte wijns ten p(ri)se voirs(creven)/ valent tsamen vi rinsg(ulden)/ So(m)ma so(mm)[ar(um)] van des/ voirs(creven) is v(idelicet) tsamen xiiii r(ins)g(ulden) ii st(uvers) xviii mit(en)/ Item den rijder die ondersproken is af te leggen(e)/ met xviii rijders te xxvi stuv(er)s tstuck v(idelicet)/ in rinsgulden(en) xxiii r(ins)guld(en) viii st(uvers)/ So(m)ma total(is) v(idelicet) xxxvii(½) rinsg(ulden) xviii mit(en)