Op alsulken diffe(re)nt als bijde(n) rade vand(er) stat/ comen es tusschen de wed(uw)[e] he(n)ricx wijlen/ / sruyschers woenen(de) te bierbeke ter eenre ende gorde/ lindemans ter and(er) sijden aldair de vors(creven) wed(uw)[e] seet/ dat zij gorde ald(aer) betogen hadde uut saken van/ e(n)nig(er) handen beeden die hij uuyt ocsuyne van sijne(n)/ goeden hem v(er)storven naede doot ende aflivich(eit) van/ sijne(n) oud(er)s loepen(de) t(er) so(m)me(n) van xxvii st(uvers) eens d(aer)/ sij voe(r) moeste innestaen van huers smans wegen/ die bedesett(er) hadde geweest en(de) corts aflivich word(en)/ was ende die so(m)me also inhalen moetste mett(er)/ ande(re)n bedesette(re)n Seggen(de) vorts dat hij gheen reden(en)/ en hadd(e) die te weyge(re)n want hij niet messet en was/ p(rese)nte(re)nde dair van die ande(r) bedesett(er)s noch leven(de) hue(re)n/ eedt dair nae staet en(de) gelegenth(eit) ende als dande(r)/ bove(n) ende beneden bege(re)nde den selve(n) dair dair toe/ bedwongen te hebben(e) Dair op de vors(creven) gort lin/ dema(n)s te ke(n)ne(n) gaff hoe dat hij noch eene(n) brued(er)/ hadde die inde vors(creven) v(er)sterfenisse mede deyld(e)/ ende meer dan hij soe hij seyde en(de) dat sij sijne(n)/ brued(er) bellix de vors(creven) bede eysschen soude als hem/ ende dat hoe dat de vors(creven) sijn brued(er) dmeeste/ deel daer aff hadde besundert vand(en) leene hoefs/ also met sijne(n) parte te gestaen(e) De vors(creven) wed(uw)[e]/ mette(n) ande(re)n bedesett(er)s de co(n)trarie sustine(re)nde/ dat sij de goede voe(r) tgeheel volg(en) soud(en) besu(n)/ dert wae(r) sij noch ongedeylt onv(er)scheyde(n) ende/ onv(er)tegen wae(re)n Dair tegen hij gort seyt dat/ e(n)nige verdeylt mochten wesen hoe wel die noch/ niet v(er)tegen en wae(re)n Es den selve(n) uutgesproke(n)/ bijden vors(creven) raide dat de vors(creven) gort soe v(er)re/ / hij met sijne(n) brued(er) vertegen ende versceyde(n) wae(re) vand(en)/ goed(en) dair questie aff es dat in die(n) gevalle hij/ gestaen soude met sijne(n) part en(de) advena(n)t nae ge/ legenth(eit) vand(er) vors(creven) geeyscht(er) so(m)me(n) ende oft des/ niet en wae(r) selen de vors(creven) wed(uw)[e] en(de) bedesett(er)s/ de geheele so(m)me aen tgoet moten verhale(n) he(m) ver/ storve(n) en(de) acht(er)gebleven vand(en) vors(creven) oud(er)s in cons(ili)[o]/ opidi ap(ri)lis xxvi