It(em) vranck trybout als procur(eur) jonch(e)r arnts va(n) steyvoirt/ ten bijsijne ende met consente van jouffr(ouwe) m(ar)grieten van/ langele werdi(n)ne desselfs arnts van steyvoirt als ae(n)legg(er)s/ t(er) eenre ende lambrecht sanders verweerde(r) t(er) ande(re)/ hebbe(n) van hue(re)n geschille(n) die zij tegen malcande(re)n/ hebben d(air)aff zij dach van rechte alhier hebbe(n) inde/ banck voe(r) meye(r) ende scepen(en) ende des dien aencleeft/ hen gesubmitteert in segge(re)n ende vriendelike yffene(re)n/ Te weten(e) de voirs(creven) yerste p(ar)tie in henr(icke) van steyvoirden/ ende noch eene(n) ande(re)n goede(n) man die zij ind(er) stadt/ van diest d(air)toe zulle(n) moege(n) [d(air)toe] nemen ende noeme(n) ende/ de voirs(creven) ande(r) p(ar)tie oec in twee goede ma(n)s die sij ind(er)/ selv(er) stadt van diest zal moege(n) neme(n) en(de) noeme(n) De welke/ d(air)op vergade(re)n zulle(n) ten lanxste(n) des yerste goensd(aeghs) nae/ beloken(en) sinxen(en) naestc(omende) dair elke p(ar)tie sijn sake alsdan/ sal opdoen ende den selve(n) genomen(en) seggers ende/ informatie gheven welke gecore(n) seggers alsdan hen/ beraden hebbende dairinne hue(r) eendrechtighe/ uutsprake doen zulle(n) bi(n)nen xiiii nachte(n) dair nae/ Ende ofts die niet en consten v(er)accorde(re)n dat zij dan/ dairinne eene(n) ov(er)man neme(n) en(de) kiese(n) zulle(n) die sijn/ uutsprake d(air)inne doen soude ten lanxste(n) bi(n)nen acht/ daghe(n) d(air)nae en(de) oft e(n)nig(er) p(ar)tien e(n)nige va(n) zijne(n)/ gecoren(en) seggers gebrake in die stat ande(r) te moege(n)/ nemen p(ro)mitten(tes) rat(um) hanc inde Wes bijde(n) selve(n)/ seggers eendrechtichlijck oft anders bijd(en) ov(er)man/ uutgesproke(n) sal wordde(n) op een pene van thien/ rinsgulden(en) half ons tot behoeff ons gened(ichs) he(re)n/ en(de) half tot behoeff des gheens van hen die deselve/ uutsprake acht(er)volghde ende niet tegen en quame/ cor(am) borch(oven) buetsele maii secunda