It(em) want de voirs(creven) kinde(re) vand(er) roest noch eene(n)/ brueder gehadt hebben geheeten bertelmeeus vand(er)/ roest d(air)aff twivel es oft hij leven(de) oft doot es/ soe hebben zij malcande(re)n geloeft soe verre/ hij noch leven(de) wae(r) ende namaels te lande quame/ dat zij malcande(re)n t(er) hant staen zulle(n) van zijne(n)/ kintsgedeelte ende hem dat gelijckelijck hulpen/ voldoen elc nae sijn advenant cor(am) eisd(em)