Nae dien op heden come(n) zijn bijde(n) raide vand(er) stadt/ de lieuten(ant) mijns he(re)n smeyers va(n) loeven(e) te wetene wille(m)/ van assche inde(n) name vand(er) zelv(er) heerlich(eit) t(er) eenre en(de)/ woute(r) van geneff als geva(n)gen(e) t(er) ande(re) den welke(n) de/ voirs(creven) offic(ie)r aengesproke(n) heeft van zeke(re)n c(ri)minelen/ poenten die bijden voirs(creven) woute(re)n begaen soude(n) zijn/ geweest soe de selve offici(er) seyt en(de) p(rese)nteerde de fame in dien/ te bewijsene als dat hij div(er)se goede e(n)nige(n) luden oft he(re)n/ dair hij bij gewandelt oft verkeert hadde ontvreemt/ soude hebbe(n) bezundert den p(re)laet des godshuys va(n) vlierbeke/ conclude(re)nde alsoe de selve offic(ie)r soe verre hij de fame/ in dien gethoenen conste den selve(n) woute(re)n te hebbene/ t(er) scerp(er) exa(m)inatien om voirde(r) zijn faiten in dien and(er)ssins/ te weten D(aer)op de voirs(creven) woute(r) hem verantwerden(de) heeft/ geseet datme(n) tselve alzoe niet bevi(n)den en soude/ ontki(n)nen(de) tselve des bijde(n) offic(ie)r hem opgeleet wert/ en(de) dat als hij hoepte die fame ov(er) hem niet gethoent/ en soude werden mair p(rese)nteerde oec t(er) (con)trarien sijn goede/ / fame ende name te thoenen Es gewesen bijden/ selve(n) raide p(ar)tien als voe(r) in wed(er)sijde(n) gehoirt zijnde/ dat zij beg(er)den den thoen in wed(er)sijden bijgeleet taenhoe(re)n/ p(re)s(ent)e(re)nde d(aer)toe den selve(n) p(ar)tien dach wa(n)t den criesme ae(n)ginck/ als van derde(n) daige te derde(n) daghe op in sat(er)dage naestc(omende)/ voe(r) der noenen voe(r) den selve(n) raide om dae(re)ntinden voirts/ gedaen te werden als nae recht behoe(re)n soude Seggen(de)/ en(de) lasten(de) den selve(n) p(ar)tien dat zij in wed(er)sijden nernstich/ zijn soude(n) om huer debvoir te doene ten ynde dat/ p(ar)tien in wed(er)sijde(n) trecht en(de) expeditie van justitien/ tebat soude(n) moege(n) geschien Act(um) in (con)silio opidi junii vi