Want h(er) gheert de thymo al(ia)s vand(er) male p(ri)ste(r)/ canonck der kercken van sinte pet(er)s te loven(e) als/ geleyt nae des(er) stadt recht voe(r) sijn wettich gebrec/ uut crachte van scepen(en) brieve(n) van loven(e) tot alle(n)/ den goeden beyde have en(de) erve (christ)iaen meynarts/ en(de) heylwigen van schoelant sijnd(er) huysvr(ouwe) soe/ wair die gelege(n) sijn hem met brieve(n) van des(er)/ stadt gecreve(n) aenden meye(r) van arschot oft/ zijne(n) stadhoude(r) te rillair alle deselve goede/ behoirlijck heeft doe(n) leve(re)n en(de) den vors(creven) gehuyssche(n)/ dach van rechte te comp(ar)e(re)n alh(ier) inde banck voe(r)/ meye(r) en(de) scepen(en) van loven(e) doen besceyden oft/ zij he(n) dair tegen hadde(n) wille(n) oppone(re)n Ald(air)/ zij op hede(n) niet gecomp(ar)eert en zijn noch/ nyema(n)t van hue(re)n wegen de procur(eur) des/ vors(creven) geleyden altijt comp(ar)e(re)nde en(de) trecht vorts/ versueken(de) soe v(er)re dat de scepen(en) t(er) maniss(en)/ smeyers nae dat hen behoirlijck gebleken/ heeft bij rapporte boudewijns belle(n)s deser/ stat bode de vors(creven) lever(in)ghe en(de) dach bescey/ dinghe gesciet te zijne gewesen hebben/ voe(r) een vo(n)nisse wair de wed(er)p(ar)tie des/ vors(creven) geleyden niet en comp(ar)eert voe(r) den/ opstaen(en) smeyers en(de) der scepen(en) datme(n) den/ selve(n) geleyden vand(en) vors(creven) goed(en) houde(n) soude/ inde macht van zijne(n) beleyde scep(enen) br(ieven) ende/ leveri(n)ge(n) alsoe v(er)re alst noch voe(r) scep(enen) come(n) es/ in sca(m)pno junii xxii