Eene deylinge ende scheydinge geschiet en(de) gemaict/ zijnde tussche(n) marien van breetzijp docht(er) wijlen/ jans met conse(n)te en(de) ten bijsijne symoens oliviers/ huers mans in [deen] zijde m(ar)grieten van breetzijp zust(er)/ der voirs(creven) marien met consente en(de) ten bijsijne jans/ vand(en) bossche huers mans t(er) ande(re) lijsbetthen van/ breetzijp oic zust(er) der voirs(creven) marien en(de) m(ar)grieten/ met (con)sente ende ten bijsijne henr(icx) de muyse(re) huers/ mans t(er) derder ende marcken en(de) a(n)nen van breetzijp/ kinde(re)n jans wijlen van breetzijp brued(er) als hij leefde
//
der voirs(creven) marien m(ar)grieten ende lijsbetthen van/ breetzijp t(er) vierder zijden op ende van den goed(en)/ hen bleven ende v(er)storven bijd(er) doot en(de) aflivich(eit) des/ voirs(creven) wijlen jans van breetzijp ende v(er)schijne(n) soude(n)/ nae de doot marien smelters wed(uw)[e] desselfs wijlen/ jans ende moeder der voirs(creven) kinde(re)n van breetzijp/ die d(air)af huer(er) tocht mits desen tot behoef vanden/ selven vier p(ar)tien voirs(creven) ger(e)nu(n)cieert en(de) verteghen/ heeft opdt [voldoen vanden] conditien ende vorw(er)den nae bescreven/ Te deylen/ Soe sijn bleven ende gevallen der voirs(creven) marien/ van breetzijp in hue(r) deilinge de goede h(ier) nae bescr(even)/ yerst een huys ende hoff metten boeg(ar)de d(air) aen/ liggende ende al den toebehoirten gelijc dat gelegen/ is inde p(ro)chie van bierbeke t(er) plaetss(en) geheeten tov(er)loe/ tusschen de goede claes de kersmake(re) in twee zijden/ Item noch een stuck lants houden(de) i(½) dach(mael) oft d(air)omtr(int)/ soet gelegen is inde p(ro)chie voirs(creven) t(er) plaets(en) voirs(creven)/ tusschen de goede claes de kersmake(re) op deen zijde/ en(de) de h(er)strate te bierbeke w(er)t gaende t(er) ande(r) zijd(en)/ Item noch drie stuv(er)s erffelijc opd(er) voirs(creven) marcx/ en(de) annen van breetzijp gedeelt(e) met conditien van/ af te quijte(n) prout h(abetu)r in eoru(m) p(ar)tif(icati)[o(n)e] sub censu et/ iu(r)e p(ri)us t(er)min(is) de(bi)[t(is)] ende voirtane op xxii stuv(er)s/ te drie pl(a)c(ken) tstuc lijftochten ten live der voirs(creven)/ marien smelters alle ja(r)e tald(er)heyligemesse vallende/ ende ombegrepen voir kersmesse d(air) nae volgende/ betaelt te zijne q(uam) d(u)m vix(er)it met cond(itien) en(de) vorw(er)d(en)/ alsoe v(er)re inde selve bet(alinge) gebreck viele soe v(er)re/ dat de voirs(creven) marie jairlijcx hue(re)n duerdach due(re)nde/ niet bet(aelt) en wa(r)e voir kersmesse dat zij in dien/ gevalle dese voirs(creven) goede wed(er)om sal moegen/ aenverden en(de) dier gebruycken en(de) hantplichten al oft/ dese deili(n)ge niet gebuert en wa(r)e sond(er) wed(er)segge(n) van yeman(de) Hanc/ quoq(ue) Et sat(isfacere) prout cor(am) buetsele bouch(out) sept(embris) v[ta]