Vanden diffe(re)nte gecomen bijden raide vand(er) stad/ tusschen henr(ick) van compenrode en(de) ja(n)ne van ha(m)male/ als brued(er)s en(de) s(in)[te] loys meesters met ande(re)n hue(re)n/ medebruede(re)n t(er) eende(re) ende ja(n)ne pasteel oick/ brued(er) ende s(in)[te] loy meest(er) t(er) ander zijd(en) welke/ voirs(creven) brueders ende s(in)[te] loymeest(er)s claeghden over/ den voirs(creven) janne in dien dat hij metten ande(re)n/ sijne(n) medebruede(re)n naeder ouder costumen ende/ gewoenten niet geven noch betalen en woude/ als hij meye(r) mocht wesen en(de) de tamelijcke/ v(er)gaderinge bij hen gehouden wordde van rede/ lijcken maeltijde ende and(er)ssins Te weten(e) twee/ stuv(er)s eens voe(r) trecht vand(en) meyerie(n) als hij/ meye(r) mach wesen noch oic tv(er)gansen als/ zij meest(er)s wordden vand(en) capellen dwelc/ mair eens te doene en es d(air) voe(r) men ghe/ woenlijc es te betalen(e) vier stuv(er)s oft soe/ vele alsmen mette(n) geselscape ov(er)compt/ bege(re)nde den selve(n) janne ond(er)wesen te w(er)den(e)/ tot loffelijck(er) costumen en(de) onderhouden(e) tot/ h(ier)toe geuseert D(air)op de voirs(creven) jan allige(re)nde/ zijn gelegenth(eit) seyt dat hem te costelijck/ was mits sijne(n) laste van kinde(re)n en(de) and(er)ss(ins)/ en(de) en was hem niet wel doenlijc tselve/ tacht(er)volgen d(air)op de voirs(creven) gesworen(en) r(e)plice(re)nde/ seyden dat hijt meer liet uuyt sijnsselfs
//
eygenth(eit) dan anderssins dat oic de voirs(creven) laste(n) vand(en)/ maeltijde en(de) anderssins niet soe lestich en wa(r)en/ dan bruerlijc en(de) mi(n)lijc en(de) tot cleymen prijse/ hoe wel hij dese swarich(eit) maicte es uutge/ sproken ende get(er)mineert dat de voirs(creven) jan/ sijne(n) tijt alsnu due(re)nde als s(in)[te] loy meest(er) dbeste/ metten ande(re)n in al doen sal en(de) hem regule(re)n/ naed(er) costumen en(de) ouden h(er)comen(e) behalven/ dat zij hem soe v(er)re hij absent bleve uuten/ maeltijde guetelijc tracte(re)n sullen ten mi(n)sten/ dat zij moegen in desen oick den voirs(creven)/ ande(re)n meeste(re)n geamiseert dat zij en(de) ande(re)/ die den gewoenlijcken kuese van he(m) te doen/ moegen hebben als dat gebuert sullen kiesen/ en(de) nemen voirtane p(er)soenen ende gesellen/ die des best vermoegen ende nut totten voirs(creven)/ regime(n)te sonder alsulk(en) p(er)soene(n) te nemen(e)/ die de oude costumen en(de) h(er)comen(e) in dien/ en(de) ande(re)n niet en souden co(n)nen gevolgen/ noch onderhouden mits o(n)mechtich(eit) en(de) and(er)ss(ins)/ Act(um) in (con)s(ili)[o] opidi cor(am) oliviers sub(stitu)[to] buetsele/ burg(imagis)[tr(is)] lyefkenrod(e) rosme(re) scab(inis) et plu(r)ib(us)/ aliis de (con)s(ili)[o] decembr(is) xiii